Religionesmera ciertonikwan kusrenanmelø Tiuswai munchin mintishipelø køn

Tius untakik køpentø religionesmera Tiuswai munchiyu waminchipelø ker, marøpelø ker chipentø, ¿chinchatre latrø trømpøik marøpelø kø? Kakentø truiløpe religionesmerape ciertonikwan kusrenanmelø køn. Chikøpen marinuk, kusrenaninuk Tiuswai munchin mintishipelø køn. ¿Ikwan mantø mara kø? ¿Ikwan maik mørørankaru Tiuswan? ¿Ikwan Tiuspe mantø tamartrera?

1. ¿Tiuswai munchin mantø mintisa nømui kusrenaniktøka?

Religionesmera ciertonikwan kusrenanmelø “Tiuswei tru newan ciertonig køreigwane lelacha, isa wamindigwan kørewa” pøntrapelø køn (Romanos 1:25). Por ejemplo, Tiuswai munchin misakmeran kusrenanmelø køn inchen Bibliape tør eshkapik køn Tiuswai munchin wamamik (Romanos 10:13, 14). Religionesmeran perep pøntrapelø trenchipelø køn trømpøik pupen Tius treek purainkarun cha, truikpe isa køn. Chikøpen trømpøik atrupikpe Tiuswainukkutri atrumíik køn (leu Santiago 1:13). Øyeek isa wamintikkutri misakmerape Tiuswan menta misrøpelø køn.

2. ¿Tiuswai munchin mantø mintisa nømui mariløtøka?

Jeupape nu untak kenamarøpik køn inchentø religionesmera ciertonikwan kusrenanmelø chikucha untak kenamarmelø køn, purø trømpik marøpelø køn. Bibliape eshkapik køn “nui kaig mariiløtø srømbalasrøngatig tunbasrig” pasran cha (Apocalipsis 18:5). Yanaken køn religionesmera políticasmeran, kuayaikwan purukup incha latrø nøtrø misakmeran kuetsinkarupik køn. Møiløpe religionesmeran perep pøntrapelø misakwan an miapelø køn, nøm chine tøka misra tap warøntrap. Øyeek marøppe Tiuswan nepua ashmelø kui kenamaran. Nepua ashmelø kuikkutri Tiuswai munchin waminchap kaima køn (leu 1 Juan 4:8).

3. ¿Religionesmera ciertonikwan kusrenanmelø øyeek maren Tius maik isupik kera?

Ñunken religionesmera ciertonikwan kusrenanmelø marikkutri namik kui mørønrankaruikpe, ¿Jeupape mantø mørørai intera? Nø misakmeran untakik køn, inchentø religionesmeran pera ampup pøntrapelan namik kui asan kakentø nui munchin mintisan nømui wentautø ampupelan kalø inchen treekkutri nø tap kømui ashipik køn. Tiuspe martrap misrik køn, religionesmera ciertonikwan kusrenanmelan patsøkøntrap incha “katøbe managuen asamig kaanrrun cha” (Apocalipsis 18:21). Maya religionesmera ciertonikwan kusrenanmelan pestø patsøkøntrun (Apocalipsis 18:8).

MAS NEPUA KUSREU

4. Tiuspe maya religionesmeran tap kømui ashipik køn

Religionesmerape latrø yam køn inchentø misakmerape isupelø køn kantø kui lataik. Inchentø truikpe, ¿cierto kø chintera? Ley Mateo 7:13, 14, yu leinuk pinaku paíkwan waminchap:

• Biblia taimpala, ¿manakatik øsik waramik, tru maype møik kø?

VIDEUN asay, yu videu asinuk pinaku paíkwan waminchap:

VIDEU: ¿Religionesmera kutikelan Tius tap kui asha utapik kø chintera? (Pititø wesruik) (3:22)

• ¿Bibliayu pørin pasraita Tius maya religionesmeran tap ashipik kui?

5. Religionesmera ciertonikwan kusrenanmelø Tiuswai untakwan kenamarmelø køn

Religionesmera Tiuswai munchin mintisan. Mas trømpøik køn, pek misakmerape katøkan pek misakmerapa kuayailan purukupen. Kan purayaikwan nepua ashchappe, VIDEUN asay. Yu videu asinuk pinaku paílan waminchap:

VIDEU: Segunda Guerra Mundial purep ipen Iglesiasmera chitø marilan (2:22)

• ¿Segunda Guerra Mundial purep ipen yam Iglesiasmera chi marik kø?

• ¿Ñipe chi isuku øyeek marilan?

Ley Juan 13:34, 35 incha 17:16. Yu leinuk pinaku paílan waminchap:

• ¿Ñi isuinukpe Jeupa maik isuira religionesmeran pek misakmerape katøkan pek misakmerapa kuayailan purukupen?

• Religionesmera ciertonikwan kusrenanmelø latrø trømpøik marøp pøntraik køn. Incha Tiuswai untakwan kenamarmelø køn. ¿Chi nepua asha kuku treek kenamarøpik kui?

6. Tiuspe misakmeran religionesmera ciertonikwan kusrenanmelainukkutri wesrantrap isupik køn

Ley Apocalipsis 18:4,a yu leinuk pinaku paíkwan waminchap:

• Religionesmera ciertonikwan kusrenanmelø isa wamintinukkutri wepamtrai Tiuspe misakmeran purukuntrap intan, ¿ikpe maik asønata?

7. Ñipe cierton Tiuswaimpurap kusreu lelachimøtø

¿Tiuspe kaik kønmap isuntraptø religionesmera ciertonikwan kusrenanmelø kalø marinukkutrintø? Isukun kan unøma mørmupen møskai tapik waminchen, yaukutri kalø marøp ipen. Møskaimpe tap kømui asan nusrkawai mariløyu. ¿Søl køntrauta møskawan kalø maran cha wamintamik nusrkai kalø ipen?

• ¿Religionesmerakutrintø ciertonikwan kusrenanmupen, søl køntrauta Jeupawan namik asamik trektøwai Jeupa kusrenanikwan lelatsamik?

¿CHI KUSREKU?

Religionesmera ciertonikwan kusrenanmelø Tiuswai munchin mintinsan, nøm isa kusrenaniløyukutri latrø nu kalø mariløyukutrimpa. Yana palømøn, Tius religionesmera ciertonikwan kusrenanmelan patsøkamikpe.

Kusreikwan katøle isuntrap

• ¿Ñipe maik isuku religionesmera mariløyukutri, ciertonikwan kusrenanmuikkutri?

• ¿Jeupa religionesmera ciertonikwan kusrenanmelan maik isupik kø?

• ¿Tiuspe ilan chi martrap kø?

MAS NEPUA ASH

Yam religionesmeran chincha Tiuspe tap utømíik kui ashkun.

“¿Tiuswan trak kementa pøntramik chishtø religionesmera purukupik kuita?” (jw.org yu pørilø)

¿Jeupa chinchatre nun adorantrai isupik kø kan tuluntsuninuk nøørøsrøntø kømøtø?

“¿Nampe kan religiónyu pøntramik kø chinta Tiuswan adorantrappe?” (jw.org yu pørilø)

Kan sacerdotepe nui religiónyu tør kui nepua ashmuik køn. Treekkuintøkucha, Tiuswaiwan ciertonikwan kusrentrap pasramisrik køn.

“Kan sacerdote nui Iglesiayukutri tarømisran” (¡Despertad!, febrero 2015wai)

Yana siglossrønkutri, religionesmera Tiuswaimpurap isa wamintan incha misakmeran isunkarun Tiuspe kaik untaramíik kui. Ashkun pøn isa wamintik chukutri wepatrik.

“Isa wamintilø namun Tiuswainukkutri tarømaran” (Asha Eshkapik, 1 noviembre 2013wai)