Tooma

6 Ba daa ka nyɛ ba la, ba daa nyɔkɛ la Yason la mabiisi la basɛba ta bo tiŋa la kpɛ’ɛndoma ge vɔɔla yeti: “Burase’esi n sa’ani tiŋa la wa’an kalam mɛ, 7 ti Yason to’e ba wa’an a yire. Buraasi wa za’a ka doli Kaesar nɔya la ge yɛta ti, naba ayima n boi n de Yezu.” 11 Nananawa nɛrabana wa daa tari la putɛsonɛ gana Tesalonikadoma la, sɛla n sɔi la ba daa kelese yetɔɣum la mɛ la ba puti’irɛ za’a ge viisa Gulesegɔ la soŋa soŋa daarewoo ti ba baŋɛ nyaa yɛla la sirum dela bala. 17 Bala la, a yuun pɔsɛ pa’ala la Yudadoma la nɛresɛba n pu’useri Naayinɛ zamesegɔ deo la poan ge daarewoo a me ni sɔsera bɔ’ɔra nɛresɛba n boi da’a la poan mɛ. 25 a me daɣɛ se’em ti asaala tara nu’usi tuna bɔ’ɔra en ti la ana wuu sɛla yele n pakɛ en la se’ere n sɔi la, eŋa mea n bo’ori nɛra woo vom la vo’osum la sɛla woo. 26 A me doose la buraa ayima poan maali tiŋa woo nɛreba ti ba bɔna tingɔŋɔ wa za’a poan, a me paalɛ la loore saŋa ge pa’ali zɛse’a ti nɛreba wan bɔna, 27 la wan eŋɛ se’em ti ba ta’an ɛ Naayinɛ. Ba san sirum ɛɛra en ba wan sirum nyɛ en, ge yelemɛŋɛrɛ la dela, a me ka zaaɛ la to se’em sa’am. 28 Eŋa zuo ti to tara vom ge ɛɛra ge bɔna wuu yamea nɛreba basɛba n guleseri maɣesa n yeti, ‘To me kelum dɛna la a kɔma.’ 30 Yelemɛŋɛrɛ ya daa nan ka mi ya iti sɛla la, Naayinɛ daa ka bisɛ ya tuure; ge nananawa, a yeti la nɛreba n boi zɛ’an woo ti ba basɛ ba be’em.