Yob

42 Ti Yob lebese yele Yehowa yeti: 2 “Nananawa mam nyaa baŋɛ ti ho wan ta’an eŋɛ sɛla woo Ge ti sɛla ka boi ti ho bɔta ti ho eŋɛ ti la wan kpe’em bɔ’ɔra hɔ. 3 Ho yeti, ‘Eŋa dela ani ka tara mi’ilum ge yeti yɛm ka boi mam ka’aŋɔ poan wa?’ Bala la, mam tɔɣɛ mɛ ti bɔkere ka bɔna bim La yelese’a n de pakerɛ bɔ’ɔra mam ti mam ka mina la. 4 Ho yeti, ‘Soso kelese ge n wan tɔɣɛ. N wan soke ho yɛla ti ho yele mam.’ 5 Mam tuba wum ho yele mɛ Ge mam nyaa nyɛ ho mɛ la n nini. 6 Bala n sɔi ti mam luke n nɔɔrɛ, Basɛ n be’em ge zi’ire tontɔnɔ la tampɛɣerum poan la.” 7 Yehowa n tɔɣɛ yele ana bo Yob ba’asɛ la, Yehowa yele Temam buraa Elifas yeti: “Mam sunsɔa nyie hon la ho zɔdoma bayi la mɛ se’ere n sɔi la, ya ka tɔɣɛ mam yelesonɛ wuu mam tuuntuna Yob la. 8 Nananawa dekɛ lɔlesi siyopɔi la piisi siyopɔi keŋɛ mam tuuntuna Yob zɛ’an ta nyɔ̃ nyɔ̃’a kaabegɔ bo yamea. Ge mam tuuntuna Yob wan zusɛ bo ya. Mam wan sirum kelese a zusega la ge kan eŋɛ ya wuu ya gberumtuuma la n nari ni se’em la se’ere n sɔi la, ya ka tɔɣɛ mam yelesonɛ wuu mam tuuntuna Yob.”