1 Samuel

5 “Filistidoma la laɣesɛ la taaba maasum zaberɛ toto tuse pisitã ge me tara yibã’areba tusa ayoobe la lengimadoma ti ba zo’e wuu kolaa tontɔnbi’isego la ti ba zabɛ la Israel ge nyaa keŋɛ ta laɣesɛ taaba Mikmash n boi Bet Aven dapɔya bɔba sa.” 6 Israel buraasi la daa bisɛ ti dɛŋa wan paɛ ba se’ere n sɔi la, la daa wuni ba mɛ, ti ba nyaa zɔ ta suɣɛ tanyorogoro la bogoro la tangosi la yorogo la luusi poan. 7 Hebrudoma la basɛba yakɛ Yordan kolaa la mɛ kɛ̃ Gad la Gilead tisi poan. Bala ma’a la ti Saul kelum bɔna la Gilgal tiŋa poan ti a nɛreba la n doli en la za’a gbi’ira ti dabeem tara ba. 8 Ti a kelum gura ta paɛ dabesa ayopɔi wuu Samuel n yele se’em la ge Samuel daa ka wa’an Gilgal na ti nɛreba la pɔsɛ yiregera. 9 Bala ti Saul yeti, “Tari ya nyɔ̃’a bo’olum la, la suma’asum bo’olum la na bo mam.” Ti ba tari na bo en ti a kaabɛ nyɔ̃’a bo’olum la. 13 “Ti Samuel yele Saul yeti: “Ho tum la gberetuuma. Ho ka nam Yehowa ho Naayinɛ la nɔɔrɛ la ti a dekɛ bo ho la. Ho san nam ni, Yehowa wan basɛ ni ti ho na’am wa ze ni kankaŋi Israel poan daarewoo. 14 Ge nananawa ho na’am la kan yue. Yehowa wan loe nɛra ti a suure kɛ̃ en, Yehowa me wan basɛ en ti a dɛna nɛŋadaana bisera a nɛreba la se’ere n sɔi la ho ka nam Yehowa nɔɔrɛ.”