Tooma
4 Ge sɛba n daa yiregɛ la daa doli la tiŋa la poan mɔɔla yelesoma la. 14 Se’em ma’a ti tuuntuneba la n boi Yerusalem la yuun ta wum ti Samariadoma to’e Naayinɛ yelesum la me la, ba tum la Peter la Yon ba zɛ’an; 25 Bala la, se’em ma’a ti ba daa di sɛɛra soŋa soŋa ge tɔɣɛ Yehowa yelesum la, ba daa pɔsɛ lɛbera la Yerusalem ge daa kɔ’ɔn mɔɔla yelesoma la Samariadoma tinbibisi zo’e zo’e poan. 26 Ge Yehowa maleka tɔɣɛ bo Filip yeti: “Isige la ho keŋɛ tiŋanɔɔrɛ bɔba paɛ sore sɛka n ze’ele Yeruselam yɛ’a Gaza la.” (Sore wa dela pɔɣetia.) 27 Ti a isige keŋɛ ge bisɛ! Etiopia nɛrezure n tari kpe’eŋo bɔna Kandis n de Etiopiadoma pɔɣenaba la nu’usin, eŋa n daa biseri a tuulum lɔɣɔrɔ la woo. A daa keŋɛ la Yerusalem ta pu’usɛ 28 ge nyaa lɛbera. A me daa zĩ la yiiri toroko zuo ge kaala nɔdɛ’ɛsa Isaiah gɔŋɔ la kpe’eŋo kpe’eŋo. 29 Ti vo’osum la yele Filip yeti: “Keŋɛ paɛ toroko wa.” 30 Filip zɔ yibegɛ en ge wum ti a kaala nɔdɛ’ɛsa Isaiah gɔŋɔ la ge nyaa yele en yeti: “Hon bɔkeri sɛla ti ho kaala la?” 31 Ti a yeti: “N wan eŋɛ la wani bɔkɛ san daɣena nɛra n pa’alɛ mam?” Bala ti a yele Filip ti a zom na zi’ire a zɛ’an.