Pin’ileŋɔ

1 Pi’ileŋo poan la Naayinɛ yuun naam la saazuo la tinparɛ. 2 Nananawa tinparɛ la daa ka malegɛ ge ti sɛsɛla me ka bɔna bim, ti lika bɔna ko’om la n zo’e la zuo, ti Naayinɛ paŋa la bɔna ko’om la zuo. 21 Ti Naayinɛ naam ateko poan naaŋɔ lɔɣɔrɔ kãra la bunvɔɔsi woo n eeri ge buna ko’om poan ba buuri ba buuri la bun-ɛ̃ɣela woo n tari kelumpaɣesi ba buuri ba buuri. Ti Naayinɛ bisɛ ti la ani soŋa mɛ. 25 Ti Naayinɛ naam goo dusi tingɔŋɔ wa zuo ba buuri ba buuri la yire dusi ba buuri ba buuri la dunseto woo n vuuri tiŋa wa zuo ba buuri ba buuri. Ti Naayinɛ bisɛ ti la ani soŋa mɛ. 26 Ti Naayinɛ yeti: “Basɛ ti to naam asaala to wɔ̃nɛ poan ti ba wɔ̃na tɔ ge basɛ ti ba sɔna zim la n boi ateko la poan la bun-ɛ̃ɣedoma n ɛ̃ɣeri saazuo la yire dusi la tingɔŋɔ la za’a la dusi woo n vuuri tingɔŋɔ la zuo.” 27 Ti Naayinɛ nyaa naam asaala a wɔ̃nɛ poan, Naayinɛ wɔ̃nɛ poan ti a naam en; a naam la buraa la pɔka. 28 “Leyɛ’ɛsa, Naayinɛ kã bo ba mɛ ge yele ba yeti: “Dɔɣɛ ya ge zo’e, pirɛ ya tingɔŋɔ la ge sɔna ka, sɔna ya zim la n boi ateko ko’om la poan, la bun-ɛ̃ɣedoma la n boi saazuo la, la bunvɔa woo n boi tingɔŋɔ wa zuo.”