Pin’ileŋɔ

12 Ti Yehowa yele Abram yeti: “Keŋɛ yese ho tiŋa la poan ge yese ho yire nɛreba zɛ’an la ho sɔ yire poan ge keŋɛ tinsɛka ti n wan pa’alɛ ho la. 2 N wan basɛ ti ho lebege tinkãtɛ ge kã bo ho, n me wan basɛ ti ho yu’urɛ karegɛ ge basɛ ti ho dɛna kãsomɔ. 3 N wan kã bo sɛba n kã’ari bɔ’ɔra ho la, n me wan yaalɛ sɛba n kã’ari be’em bɔ’ɔra ho la, ti yizuto woo n boi tiŋa wa zuo wan sirum nyɛ kã’a la hon zuo.” 4 Ti Abram keŋɛ wuu Yehowa n yele en se’em la, ti Lot doose en keŋɛ. Abram yuun dela yuun piyopɔi la anuu se’em maa ti a basɛ Haran la.