Luke

8 Dene pooren a yuun kaari la tinkãra la tinbibisi mɔɔla ge tɔɣera Naayinɛ Na’am la yelesoma la. Ti Pia La Bayi la dɔla en, 40 Se’em ma’a ti Yezu lebe na la, nɛrekuuŋɔ la to’e en mɛ soŋa soŋa se’ere n sɔi la ba daa puɣum gura en mɛ. 41 Ge bisɛ! buraa ayima yu’urɛ n de Yairus n wa’ana; buraa wa yuun dela zamesegɔ deo la bisegadaana. A daa wa’ana kpa la duma Yezu nɛŋan ge pɔsɛ bɛlena en ti a wa’an a yire na, 42 se’ere n sɔi la a bipugela za’a za’a n de wuu yuun pia la ayi, n yuun gee la a ki. Yezu n daa keni la, nɛrekuuŋɔ la daa mikeri en mɛ. 49 Eŋa n daa nan boi bim tɔɣera la ti zamesegɔ deo la bisegadaana la nɛra ayima wa’ana yeti: “Ho bipugela la ki mɛ; da le daam Pa’ala la.” 50 Yezu n wum wana wa la, a yele en yeti: “Da zɔta dabeem, yeen tara sakerɛ ge ho bia la wan vo’e.” 51 Se’em ma’a ti a daa ta paɛ yire la poan, a daa ka basɛ ti nɛra doose en kɛ̃ san daɣɛ Peter, Yon, Yames, la pugela la sɔ la a ma. 52 Ge nɛreba daa kaaseri mɛ ge ba’ɛ si’ina. Ti a yeti: “Go’e ya kaasega, bia la ka ki ge a giseri mɛ.” 53 Ti ba ɛ̃regera en, se’ere n sɔi la ba daa mi ti a ki mɛ. 54 Ge a gĩ la bia la nu’o ge yele en yeti: “Bia wa, isige!” 55 Ti a vo’osum lebe na ti a isige bilam bilam, ti a bo ba nɔɔrɛ ti ba bo en sɛla ti a di. 56 Aatɔ, a dɔɣereba la puurɛ yuun pee mɛ ge ti a yele ba ti ba da yele nɛnɛra sɛla n eŋɛ wa.