Mark

25 Nananawa, pɔka ayima n daa boi luta sia ti la ka gɔ’ɔra ti la paɛ yuuma pia la ayi. 26 A namesɛ mɛ paa tibegɔdoma zo’e zo’e nu’usin ge sa’am a lɔɣɔrɔ za’a ge ti la kelum ka sɔ̃na ge la tuɣum gana la bala. 27 Se’em ma’a ti a wum Yezu yele la, a wa’an me na bɔna a pooren nɛrekuuŋɔ la poan ge kalum a fuo la, 28 se’ere n sɔi la a daa yeti: “N san yeen kalum a fuo wa, n bã’a wa wan basɛ.” 29 Bilam bilam ti a ziim la teke ka le sigera, ti a baŋɛ ti bãyaalega wa n boi a inya la poan la basɛ mɛ. 30 Bilam bilam ti Yezu baŋɛ ti paŋa n yese a poan, ti a bisɛ nɛrekuuŋɔ la kaɛ ge soke yeti: “Ani n kalum mam fuo wa?” 31 Ge a podɔleba la soke en yeti: “Ho nyɛ nɛrekuuŋɔ la n mike ho se’em mɛ ge sina ge sɔkera ti, ‘Ani n kalum mam?’” 32 Ge a daa biseri mɛ ti a baŋɛ se’em n kalum en la. 33 Ti pɔka la paleŋa ɛ̃kɛ ti a gɔɣera ge mina sɛla n eŋɛ en la, a nyaa wa’ana kpa la duma a nɛŋan yele en yelemɛŋɛrɛ la za’a. 34 Ti Yezu yele en yeti: “N poyɔa, ho sakerɛ n basɛ ti ho bã’a wa basɛ. Tara suma’asum ge ho bãyaalega la basɛ ho mɛ.” 41 Ti a nyaa gurɛ bia la nu’o ge yele en yeti: “Talita kumi,” ti la vuurɛ dɛna: “Pugela wa, mam yeti ho mɛ ti ho isige!” 42 Ti pugela la isige bilam bilam nɔɔ ge pɔsɛ kena. (A daa dela yuun pia la ayi.) Ti ba puurɛ daa pee paa.