Luke

11 La ka yue ti a keŋɛ tiŋa kayima yu’urɛ n de Nain poan, ti a podɔleba la, la nɛrekuuŋɔ daa dɔla en. 12 Eŋa n daa pɔ̃ri tiŋa la nayaŋa la, bisɛ! ba daa ziiri la kum yɛ’a, buraa la daa dela a ma biyiŋa ma’a. Leyɛ’ɛsa, pɔka la daa dela pɔkɔ̃ɔrɛ. Tiŋa la nɛreba zo’e zo’e n daa doli pɔka wa. 13 Se’em ma’a ti Daana la daa nyɛ en la, nimbɔ̃’ɔ n daa nyɔkɛ en la pɔka wa ti a yele en yeti: “Go’e kaasega.” 14 Bala poan la, ti a nyaa paɛ kalum soŋɔ la ti sɛba n zɛ kum la teke ze’ele. Ti a yeti: “Burasa’arɛ wa, mam yeti la hon ti ho isige!” 15 Ti buraa la n ki la isige zi’ire ge pɔsɛ tɔɣera, ti Yezu dekɛ en bo a ma. 16 Nananawa, dabeem n daa nyɔkɛ ba za’a ti ba pɔsɛ na’asa Naayinɛ yeti: “Nɔdɛ’ɛsa kãtɛ n boi to poan” ge me le yeti “Naayinɛ ŋmɛregɛ a puti’irɛ tɔ la a nɛreba.” 17 Ti ba kɔ’ɔn tɔɣera a yele Yudea za’a poan la tinse’a n kaɛ bilam la za’a. 35 La se’em me, nɛra tuuma poan n wan pa’alɛ ti a tari yɛm.”