Liligere

2 Ti a kaasɛ basɛ sa la kunkokãtɛ yeti: “A lui mɛ! Babilon Kãtɛ La lui ya, a me nyaa lebege la kolekpabɛ’ɛsi kɛ̃’a zɛ’an la zɛ’an ti kolekpabɛ’a woo la nii dɛkɔ woo ti ba yaɛ kɛ̃’ɛra! 4 Ti mam wum kɔ̃a deyima n tɔɣeri saazuo yeti: “Mam nɛreba wa, yese ya pɔka la zɛ’an, ya san ka bɔta ti ya laɣum pa’asɛ a be’em la poan ge me ka bɔta ti ya laɣum to’e a namesegɔ la. 5 A be’em la kɔ’ɔn zoole mɛ ta paɛ saazuo sa, ti Naayinɛ tiɛ a ŋmɛlema tuuma la. 8 Bala n sɔi ti daayinɛ poan a wuŋerɛ la wan wa’ana, kum la susa’aŋɔ la kom ge ti ba kɔ’ɔn nyɔ̃ en bugum poan se’ere n sɔi la Yehowa Naayinɛ, se’em n gãkɛ en la tari la paŋa. 9 “Ti tingɔŋɔ wa nadoma n tum yalumtuuma la en la ge naɛ la en di nyɛlum n tari nyani la wan kaasa ge ŋmɛ’ɛra bamesi ge si’ina bɔ’ɔra en se’em ma’a ti ba nyɛ zu’usi la n gulegeri a zuo la. 11 “Leyɛ’ɛsa, lɛɛbereba la n boi tiŋa la poan la kaaseri mɛ ge ti ba suure sa’am a zuo se’ere n sɔi la, nɛra ka boi n wan da lɔɣɔrɔ la ti ba kɔɔsa la leyɛ’ɛsa, 15 “Lɛɛbereba la n daa koose lɔɣɔrɔ ana wa la ge lebege buntateba a zuo la wan ze’ele zaaɛ a zɛ’an se’ere n sɔi la dabeem n tari ba la a sa’aŋɔ la, ba wan kaasɛ ge kele, 16 yɛta ti: ‘Tinkãtɛ wa ga’am la be’ero, la ga’am la be’ero, ho daa yɛɛri la lɔɣɔrɔ n de lɔɣesonɔ, mɔlesabelega la mɔlego ge daa baɣɛ homea la salema nɔnɔm lɔɣɔrɔ la tuulum kuga la kugesaalesi, 21 Ti maleka n tari paŋa ɔbegɛ kugere n ani wuu kugetambileŋa kãtɛ ge dekɛ de lobe basɛ ateko poan ge yeti: “Bala mea ti ba wan lobe Babilon n de tinkãtɛ la me basɛ kalam ti ba kan makɛ nyɛ en leyɛ’ɛsa. 22 Ba kan wum sɛba n ŋmɛ̃’ɛri kɔ̃lɔ, la sɛba n yuune, la sɛba n peebire funfuureŋɔ la tintana kɔ̃a leyɛ’ɛsa. Ba me kan nyɛ lɔɣemaaleba n tuni tuunse’ere woo ho poan leyɛ’ɛsa. Ba me kan wum kugetambileŋa voole ho poan leyɛ’ɛsa. 23 Kania bugum ka boi n wan malum niɛ ho poan leyɛ’ɛsa, ho kan malum le wum pɔɣedita la a pɔɣa kɔ̃a ho poan leyɛ’ɛsa; se’ere n sɔi la ho lɛɛbedoma la n daa de nɛrezura tingɔŋɔ wa zuo, ho me daa doose la ho kolekpatuuma la poan pã’asɛ tisi la. 24 Yelemɛŋɛrɛ, eŋa poan ti ba nyɛ nɔdɛ’ɛsadoma la zilamdoma la, la sɛba woo ti ba ku ba tingɔŋɔ wa poan la ziim.”