Yon

14 “Da basɛ ya ti la daam ya suure; tara ya sakerɛ Naayinɛ poan ge tara sakerɛ mam me poan. 2 Kɛ̃’a zɛ’an zo’e zo’e boi mam Sɔ yire mɛ. La san daɣeni bala, n wan yele ni ya ge mam ye mɛ ti n ta maasum zɛ’an bo ya. 3 Leyɛ’ɛsa, mam san keŋɛ ta maasum zɛ’an bo ya, n wan lebena tari ya kule mam zɛ’an, la wan eŋɛ se’em ti mam boi zɛ’an la yamam me wan bɔna bilam. 6 Yezu yele en yeti: “Mam dela sore la, la yelemɛŋɛrɛ la, la vom la. Nɛra ka boi wan ta’an wa’an Sɔ la zɛ’an na san daɣena a doose la mam poan. 9 “Yezu yele en yeti: “Hali la mam puɣum bɔna la ya ti la yue se’em wa, Filip, hon kelum ka mina mam? Hon se’em n nyɛ mam la nyɛ Sɔ la mɛ. La eŋɛ la wani ti ho yeti, ‘Pa’alɛ tɔ Sɔ la’? 21 Se’emdaana n tari mam nɔya wa ge dɔla a, n de mina n sirum nɔŋɛ mam. Ti se’emdaana n nɔŋɛ mam, mam Sɔ la wan nɔŋɛ en, ti mam me wan nɔŋɛ en ge niɛ n mea pa’alɛ en.” 23 Ti Yezu lebese en yeti: “Se’em san nɔŋɛ mam, a wan dɔla mam yetɔɣum ti mam Sɔ me wan nɔŋɛ en ge ti to me wan wa’an a zɛ’an na bɔna la en. 26 Ge soŋera la n de zilam vo’osum la ti Sɔ la wan tum mam yu’urɛ poan la, wan pa’alɛ ya sɛla woo ge basɛ ti ya tɛ̃ra sɛla woo ti mam yele ya la. 27 Mam dekɛ la suma’asum basɛ ya; Mam dekɛ la n suma’asum bo ya. Mam ka bo’ori suma’asum wuu tingɔŋɔ la n iti se’em la. Da basɛ ya ti ya suure sa’am bii ya basɛ ti dabeem kɛ̃ ya. 28 Ya wum ti mam yele ya yeti, ‘Mam ye mɛ ge n wan lebena.’ Ya san nɔŋɛ mam, ya puurɛ wan pee ti n ye la Sɔ la zɛ’an, se’ere n sɔi la Sɔ la gani mam mɛ. 29 Bala la nananawa, mam yele ya yele ana wa ge ti la nyaa tum la wan eŋɛ se’em ti yele ana wa san tum, ya wan sakɛ. 31 La wan eŋɛ se’em ti tingɔŋɔ la baŋɛ ti mam nɔŋɛ Sɔ la me la, mam iti la sɛla ti Sɔ la yele mam ti n eŋɛ la. Isige ya ti to keŋɛ ya.