Ezekiel

2 A daa nyaa yele mam yeti: “Asaala dayɔa wa, isige ze’ele ho nama zuo ti n ta’an tɔɣɛ bo ho.” 2 Eŋa n daa tɔɣɛ bo mam la, vo’osum n daa kɛ̃ mam poan ge basɛ ti mam isige ze’ele n nama zuo la wan eŋɛ se’em ti n ta’an wum se’emdaana n tɔɣeri bɔ’ɔra mam la. 3 Ti a yele mam yeti: “Asaala dayɔa wa, n tuni ho la Israeldoma wa zɛ’an, n tuni ho la nɛreba wa n eŋɛ kpenkpasi la mam la zɛ’an. Bamam la ba sɔyaabedoma bire poore basɛ mam la bala tara tara la zina beere wa. 4 Nɛresɛba ti n tuna ho ba zɛ’an wa dela nɛresɛba tuba n kpa, ge ti ba sunya kãbɛ. Ta yele ba yeti, ‘So’olumdaana Yehowa n yele se’em n wana.’ 5 La san dɛna bamam, ba dela nɛreba n iti kpenkpasi. Ba kelese ya bii ba ka kelese woo, ba wan ta baŋɛ ti nɔdɛ’ɛsa n daa boi ba poan. 6 “Ge hon, asaala dayɔa wa, da zɔta dabeem la ba bii dabeem tara hɔ la yetɔɣum sebo ti ba wan tɔɣera ho la, da zɔta dabeem la gũ’usi se’esi n kaɛ ho la, la hon kɛ̃’ɛri la nasi la. Da zɔta dabeem la ban tɔɣeri se’em, bii ho paleŋa ɛɣera la ba nɛsi n ani se’em, se’ere n sɔi la ba dela nɛreba n iti kpenkpasi. 9 Mam nyaa bisɛ la, mam nyɛ la nu’o n tiɛ tuntɔɔ tɔ mam na, ti mam bisɛ nu’o la poan nyɛ gɔnkile ti gulesegɔ bɔna bim. 10 Ti a yirege ku mam nɛŋan. Ti ba gulesɛ fabelegɔ yuuma, kɛlega, la tagurega yɛla eŋɛ ku nɛŋa la ku pooren za’a.