Mark

36 Ba daa ta keese nɛrekuuŋɔ la ba’asɛ la, a daa puɣum ka maasum ge ti ba dekɛ en la ɔɔreŋɔ ge ti ɔɔrenɔ basɛba me daa pa’asɛ a poan. 37 Ti kusebekãtɛ lobe ti komi’isi la damena ɛ̃ɣera sigera ɔɔreŋɔ la poan ti ɔɔreŋɔ la gee fii la a muse. 38 Ge a yuun boi la ɔɔreŋɔ la poan sa gã’a dafeere la zuo. Ti ba niɛ en yele en yeti: “Pa’ala, to yeti to ki wa la ka pakɛ hɔ?” 39 Ti a isige tãsɛ kusebego la ge yele ateko ko’om la yeti: “Go’e! Ma’ɛ siim!” Ti kusebekãtɛ la ma’ɛ ti la ana siim. 40 Ti a yele ba yeti: “Beni n sɔi ti ya ba’ɛ tara dabeem bala? Yamam kelum ka tara sakerɛ?” 41 Ge ba paleŋa n daa ɛ̃kɛ ti ba yele taaba yeti: “Nɛra wa sirum dela ani? Hali kusebego la ateko ko’om la nani en mɛ.”