Yon

13 Ge ti Azɔɔtole De’eŋo dabaserɛ la paɛ la, Yezu daa baŋɛ mɛ ti a dabeserɛ la paɛ ya ti a basɛ tiŋa wa zuo ge lebe a Sɔ zɛ’an. Yezu daa ba’ɛ nɔŋɛ sɛba n boi tiŋa wa zuo dɛna a nɛreba la mɛ, a daa nɔŋɛ ba mɛ ta paɛ ba’asegɔ. 2 ba boi bim dita zaanɔɔrɛ dia la ti saɣena la puɣum dekɛ de eŋɛ Yuda Iskariot n de Simon dayɔa la suuren ti a dɔ̃rɛ Yezu. 3 Yezu n yuun mi ti Sɔ la dekɛ sɛla woo eŋɛ la a nu’usin ge me mina ti eŋa ze’ele la Naayinɛ zɛ’an wa’ana ge me wan lebe la Naayinɛ zɛ’an la, 4 a basɛ zaanɔɔrɛ dia la mɛ ge isige saazuo yɛɛ a fuseko ti a yɛ basɛ yiŋa la biŋe kinkɛleŋa ge nyaa dekɛ papa’ahɔ lu a sia. 5 Bala pooren ti a dekɛ ko’om eŋɛ lapɛrega poan pɔsɛ pɛɛra a podɔleba la nama ge nyaa dekɛ papa’ahɔ la n lu a sia la duusa ba nama. 34 Mam bo’ori ya la nɔpaalɛ ti ya nɔŋɛ taaba; wuu mam nɔŋɛ ya se’em la, ya me nɔŋɛ taaba. 35 Wana ti ba wan baŋɛ ti ya dela mam podɔleba, ya san tara nɔŋerɛ bɔ’ɔra taaba.”