Isaiah

35 Goo poan, la daɣelega zɛ’an wan tara pupeelum, Ti pɔɣetia poan wan nyɛɛna Ge maalɛ soŋa wuu puuro la. 2 La wan ba’asum maalɛ soŋa; La wan tara pupeelum ge nyɛɛna basera sa. Ba wan basɛ ti Lebanon le ana soŋa, Karmel la Saron som la. Ba wan nyɛ Yehowa to Naayinɛ la gilema la a som la. 5 Sankaŋa la fɔɔsi nini wan piɣisɛ Ti wasi tuba yu’usɛ. 6 Sankaŋa la kɔɔrenɔ wan ɛ̃gera kisa wuu walega la, Ti gɔɔnɔ tɔɣera la nyɛɛma. Ko’om wan bula goo poan, Ti bɔɣesi bɔna pɔɣetia poan.