Liligere

19 Dene pooren la mam wum la sɛla n ani wuu nɛrekũuŋɔ kunkɔa kãra saazuo. Ba yeti: “Pɛɣɛ ya Yah! Fãarɛ la na’asegɔ la paŋa dela to Naayinɛ denɛ, 2 se’ere n sɔi la a gãkerɛ dela yelemɛŋɛrɛ la tontɔɔ. A gãkɛ la pɔɣeyalema kãtɛ n dekɛ a yalumtuuma sa’am tiŋa la, A daa namesɛ en mɛ la eŋa n ku a yamesi la zuo.” 3 Bilam bilam, ba yele sugumnɔɔrɛ buyi poan yeti: “Pɛ̃ɣɛ ya Yah! Ti zu’usi n ze’ele a poan la kɔ’ɔn zɔna saazuo daarewoo.” 6 Ti mam wum kunkore n ani wuu nɛrekuuŋɔ voole n ani wuu ko’om zo’e zo’e n suregere ge me ana wuu saa n tãseri. Ba yeti: “Pɛ̃ɣɛ ya Yah, se’ere n sɔi la Yehowa to Naayinɛ, Paŋa Za’adaana la, nyaa dela naba! 7 Basɛ ya ti to nyɛɛna ge tara pupeelum zo’e zo’e ge na’asa en se’ere n sɔi la, Pebila la pɔɣedire paɛ ya, a pɔɣa la me maasum amea mɛ. 8 Ɛɛ, ba bo en yɔ’ɔ mɛ ti a yɛ fupɛɛlega n ani yili yili ge me nyagera se’ere n sɔi la, fupɛɛlega la ze’ele bo la tontɔɔ tuuma ti zilamdoma la tuna la.” 9 Ti a yele mam yeti, “Gulesɛ dena wa ti: Pupeelum boi mɛ la sɛba ti ba beem ba ti ba keŋɛ Pebila la pɔɣedire de’eŋo la poan.” A le yele mam yeti: “Dena dela yelemɛŋɛrɛ yɛla n ze’ele Naayinɛ zɛ’an na.” 10 Ti mam lui a nama ti n na’asɛ en ge a yele mam yeti: “Bisɛ homea soŋa! Da eŋɛ bala! Mam yeen dɛna la yameŋa wuu hon la ho suurɔ n tuni Yezu sɛɛradia tuuma la. Pu’usa Naayinɛ! Se’ere n sɔi la Yezu yelemɛŋɛrɛ yɛla la n basɛ ti ba tɔɣera yetɔɣebiŋa.” 11 Mam nyɛ la saazuo n yuɛ ge bisɛ! yepɛɛlega n bala. Ti ba yi’ira se’emdaana n bã ka la ti birikina la yelemɛŋɛrɛdaana. A me gãkerɛ la tontɔɔ poan ge zabera tontɔɔ sore poan. 12 A nini dela bugum peelum ti a vuge salema munkãtɛ. A tari yu’urɛ ti de gulesɛ laba en ti nɛnɛra ka boi n mi de, san daɣena la amea ma’a, 13 fuseko ti a yɛ la lerum mɛ la ziim, ti yuse’ere ti ba yi’ira en dela Naayinɛ Yelesum. 14 Leyɛ’ɛsa, saazuo pɛɛntɛɛreba la bã la yipɛɛlesi dɔla en ge yɛ fupɛɛlesi n ani yili yili ge ana filam. 15 Ti suwoko n diti n ze’ele a nɔɔren yese na. Sukana ti a tara sa’ana tisi la ge wan dekɛ kurugo doore sa’am ba basɛ. A me wan le nɛ Naayinɛ la n de Paŋa Za’adaana sunsɔa nyiisum daam nɛɛriga boko la poan. 16 A tari la yu’urɛ n gulesɛ gã a fusɛka ti a yɛ dɔgelɛ la, ɛɛ bɔna a gbere zuo n yeti, nadoma Naba la daandoma Daana. 19 Ti mam nyɛ goo duŋa la, la tingɔŋɔ wa zuodoma la, la ba lengimdoma la n laɣesɛ taaba ti ba zabɛ la sɛka n zĩ yeho zuo la a lengimdoma la. 20 Ti ba nyɔkɛ goo duŋa wa la pumpɔreŋɔ nɔdɛ’ɛsa la n ze a nɛŋan tuna yelenyalema pã’asa sɛba n to’e goo duŋa la dãalesum la, la sɛba n na’aseri a naanɛ la. Ge ti ba nan ka ki la, ba dekɛ ba basɛ la bugum mɔɣɔrɛ n diti la sɔfa la poan. 21 Ge sɛba n gee la, ba dekɛ la sɔwoko sɛka n ze’ele yeho la nɔɔren la ku ba. Ge ti niisi la woo di ba nɛnɔ tiɣɛ.