Isaiah

6 Ɛ ya Yehowa ti la nan bisɛ nyɛta wa. Yi ya en ti a nan lɛm ya wa. 7 Basɛ ti putɔya la basɛ a sore la Ti be’emdaana la me tee a puti’irɛ; Basɛ ti a lebe Yehowa zɛ’an, eŋa n wan zɔ a nimbɔ̃’ɔ, A wa’an to Naayinɛ la zɛ’an ge a wan di sugeri bo en ti la gaŋɛ. 8 Yehowa yeti: “Se’ere n sɔi la mam puti’irɛ daɣɛ yamam puti’irɛ, Mam sarɔtɔ me daɣɛ yamam sarɔtɔ, 9 “Wuu saazuo n zaɛ la tiŋa wa se’em la, Bala mea ti mam sarɔtɔ me zaɛ la yamam sarɔtɔ, Ti mam puti’irɛ poan me ganɛ ya puti’ira. 10 Wuu saa n ni ni ti mɛɣelum ze’ele saazuo lu na Ge ni ka lebe, san daɣena la ku ma’alɛ la tiŋa la ge me basɛ ti bunbuula yese ti se’em n burɛ la nyɛ dia di n ani se’em la, 11 Bala ti mam yelesum n ze’eti mam nɔɔrɛ wa poan yɛsera la wan tum. De kan lebe mam zɛ’an na ge ka tum tuuma. Ge la wan sirum tum sɛla woo ti mam bɔta la. Mam tum de sɛla zuo la, la wan sirum tum bala.