Pin’ileŋɔ

15 Yosef suurɔ la n daa ta baŋɛ ti ba sɔ ka le bɔna la, ba daa yele taaba yeti: “Daanse’ere tomam yele la kelum bɔna Yosef suuren mɛ ge ti a me wan yɔ tɔ la yelebe’ero la woo ti to eŋɛ en la.” 16 Bala la, ba daa tum mɛ ti ba ta yele Yosef yeti: “Ho sɔ daa bo la nɔɔrɛ wa ge nyaa ki: 17 ‘Yele ya Yosef yeti: “Mam beleni ho mɛ, soso di sugeri bo ba ge basɛ be’em seto ti ho suurɔ la eŋɛ, ti la tara daaŋɔ paɛ ho la basɛ bo ba.”’ Nananawa, soso kelum di sugeri bo ho sɔ Naayinɛ yamesi wa be’em la. Yosef n wum wana wa la, a da kaasɛ mɛ paɛ. 18 Ti a suurɔ la me wa’ana kpa duma a nɛŋa yele yeti: “Tomam n wana, to dela ho yamesi!” 19 Ti Yosef yele ba yeti: “Da zoti ya dabeem. Mam dela Naayinɛ? 20 La boi bim ti ya boti ya ku ni mam mɛ ge Naayinɛ basɛ ti sɛla woo keŋɛ la soŋa la wan eŋɛ se’em ti nɛreba zo’e zo’e vɔna, wuu eŋa n iti se’em zina wa. 21 Bala la, da zɔti ya dabeem. Mam wan kelum bɔ’ɔra ya dia hali la ya kɔmbibisi la za’a.” A daa buɣelɛ ba sũure mɛ ge basɛ ti la ana ba mama.