Yooma

15 O Yehowa, ani n wan ta’an dɛna saana ho tɛnti deo la poan? Ani n wan ta’an bɔna ho zilam zoore la zuo? 2 Se’emdaana n ka tari daaŋɔ, Tuna sɛla n ani soŋa Ge tɔɣera yelemɛŋɛrɛ a suuren. 3 A ka tari a zɛleŋa sa’ana nɛreba yu’ura, A ka tuni be’em bɔ’ɔra a tadaana, A me ka parena yɛla bɔ’ɔra a zɔdoma. 4 A ni kɔ’ɔn zaɣesɛ se’emdaana tuuma n fɛ̃’ɛ mɛ Ge a na’aseri la sɛba n zoti Yehowa. A san biŋe nɔɔrɛ a ka leberi pooren, hali la san puɣum ka ana soŋa bɔ’ɔra en. 5 A ka dekeri a ligeri pɛmesa ge tara dɔɣelega pa’asa bim, A me kan to’e mu’ure eŋɛ sɛla giisɛ se’em n ka tari taalɛ la. Se’em woo n iti wana kan malum miim.