1 Samuel

5 David yele Akis yeti: “Ho san wan zu’usɛ mam, basɛ ti ba bo mam ho tinkpɛsi la ayima ti n kɛ̃’ɛra bilam. La wan eŋɛ la wani ti ho yameŋa laɣum naɛ la ho kɛ̃’ɛra naba tiŋa?” 6 Dadendaarɛ nɔɔ ti Akis dekɛ Ziklag bo en. Bala n sɔi ti Ziklag dɛna Yuda nadoma denɛ ta paɛ zina wa. 7 David n kɛ̃ Filistiadoma tinkpɛŋa la poan yue se’em dela yuunɛ la ŋmaresi sinaasi. 8 David la a nɛreba ni keŋɛ mɛ ta sa’am Gesurdoma la Girzidoma la Amalekdoma se’ere n sɔi la ba daa kɛ̃’ɛri zɛ’an la dela Telam ta paara Sur nyaa sigera Egypt tiŋa. 9 David san ni ta zabɛ la ba, a ka baseri buraa bii pɔka. A ni dekɛ piisi, nii, bosi, yuɣema la lɔɣɔyɛɛtɔ mɛ lebe Akis zɛ’an. 10 Akis ni soke en yeti: “Hon keŋɛ ta zabɛ la bɛ zina?” David ni lebese yeti: “Mam zabɛ mɛ la Yuda tiŋanɔɔrɛ bɔba” bii “Mam zabɛ mɛ la Yerameel tiŋanɔɔrɛ bɔba” bii “Mam zabɛ mɛ la Ken tiŋanɔɔrɛ bɔba.” 11 David daa ni ka tari buraa bii pɔka lebe Gat tiŋa na, nyaa ni yeti: “La wan eŋɛ se’em ti ba kan wa’ana yeti, ‘David n daa eŋɛ se’em n wana.”’ (David n daa kɛ̃’ɛri Filistia tinkpɛŋa la, a daa ni ita la wana saŋa woo.) 12 Akis daa sakɛ David n yele sɛla la mɛ yɛta amea yeti: amea nɛreba Israeldoma la puɣum yaɛ en mɛ, bala la a nyaa wan dɛna la mam yameŋa.