1 Samuel

30 Dabesa atã daarɛ ti David la a nɛreba daa lebe Ziklag la, ti Amalekdoma daa puɣum zabɛ nyaŋɛ tiŋanɔɔrɛ bɔba la mɛ ta ta la Ziklag ge nyaa nyɔ̃ Ziklag la bugum. 2 Ba tari la pɔɣesi la, la sɛba woo n boi ka poan, bunbibisi la bunkureba za’a keŋɛ. Ba daa ka ku nɛnɛra ge ba daa tari ba keŋɛ mɛ. 3 David la a nɛreba n daa lebe tiŋa la poan la na la, ba daa nyɛ ti ba nyɔ̃ ka mɛ ge tara ba pɔɣeba la dayɔɔsi la poyɔɔsi daa keŋɛ. 4 Bala ti David la a nɛreba la kɛla kpe’eŋo kpe’eŋo ta paɛ se’em ma’a ti ba ka le tara paŋa n wan kele. 5 Ba daa tari David pɔɣeba bayi la me keŋɛ, Ahinoam n de Yezreel tiŋa pɔka la Abigail n de Karmel tiŋa buraa Nabal pɔɣa la n nyaa de pɔkɔ̃ɔrɛ la. 6 David suure daa sa’am mɛ sɛla n sɔi la, buraasi la daa yeti ba lobe en la kuga la ba daa ka nyɛ ba dayɔɔsi la ba poyɔɔsi la ti ba suure sa’am la. Ge David kpeŋe amea la Yehowa a Naayinɛ la poan. 23 Ge David yeti: “N suurɔ da makɛ ya eŋɛ dena wa la Yehowa n bo to sɛla la. A daa gu to mɛ ge basɛ ti to nyaŋɛ zabezabereba la n daa wa’ana zabɛ la to la. 24 Ani n wan nam bo, ya yele sɛla wa? Se’em woo n keŋɛ zaberɛ la n wan nyɛ sɛla la, bala mea nɔɔ ti se’em n gu’uri lɔɣɔrɔ la me wan nyɛ. Ba za’a wan laɣum nyɛ tɔ̃tɛ.”