2 Samuel

2 Daarɛ deyima zaanɔɔrɛ ti David isige a gɔrɔgɔ zuo, nyaa ɛɛra kaara naba yire la gɔsegɔ zuo. Eŋa n ze gɔsegɔ la zuo la ti a nyɛ pɔka n boi bim sɔɔra, pɔka la me som mɛ paa. 3 David daa tum la nɛra ti a ta soke pɔka la yele ti a lebena yeti: “A daɣɛ la Batseba Eliam pɔyɔa la n de Hiti buraa, Uria pɔɣa la?” 4 Bala ti David tum nɛreba ti ba tari en wa’an a zɛ’an na. Eŋa n daa keŋɛ a zɛ’an la, a daa ga’arɛ en mɛ. (Wana wa daa eŋɛ la se’em ma’a ti a daa bɛ̃ɣesa amea a dɛɣerɔ la poan la.) Bala pooren, ti a nyaa lebe kule. 5 Pɔka la daa nyɔkɛ la puurɛ, nyaa tum ti ba ta yele David yeti: “Mam nyɔkɛ la puurɛ.” 14 Yiimbeere bulika, ti David gulesɛ gɔŋɔ dekɛ bo Uria ti a tari ta bo Yoab. 15 A gulesɛ gɔŋɔ la poan yeti: “Basɛ ti Uria bɔna nɛŋa zɛ’an ti zaberɛ la mɔ’ɛ nini la ge nyaa lebe pooren ge basɛ en la wan eŋɛ se’em ti ba ku en.”