2 Samuel

13 David dayɔa Absalom tari la tã n som ti a yu’urɛ dɛna Tamar, ti A dayɔa Amnon suure kɛ̃ en ti a bɔta en. 2 Amnon suure daa sa’am mɛ paa ti a ta bɛ̃ a tã Tamar zuo, sɛla n sɔi la a daa nan ka mi buraa ge ti la me daa kpe’em bo Amnon ti a eŋɛ en sɛla. 10 Ti Amnon nyaa yele Tamar yeti: “Tari dia la kɛ̃ n bɔ ga’aregɔ la poan na, zãla dia la ho nu’usin ti n dita.” Bala ti Tamar tari keeki la ti a maalɛ la ta bo a suɔ Amnon a bɔ ga’aregɔ la poan 11 Eŋa n tari dia la kɛ̃ ta bo en la, ti a gĩ en ge yele en yeti: “N tã wa, wa’ana ti mam la hon ga’arɛ.” 12 Ge a yele en yeti: “Aayi n suɔ! Da basɛ ti nyanɛ di mam sɛla n sɔi la yele dena ka tabelɛ eŋɛ Israel poan. Da tum vi tuunɛ wa. 13 Mam wan tari nyanɛ dena wa keŋɛ la bɛ? Nɛreba me wan bisɛ ti ho dela Israel tiŋa nɛreyooro la ayima. Soso, tɔɣɛ bo naba la ge a wan dekɛ mam bo ho.” 14 Ge a zaɣesɛ mɛ ka kelese en ge pɛregɛ en nyaŋɛ zɛ en la a paŋa ti vi tara Tamar. 15 Ti Amnon nyaa yaɛ en ta gaŋɛ hali ti eŋa n yaɛ en se’em la gana eŋa n daa nɔŋɛ en se’em la. Ti Amnon yele en yeti: “Isige keŋɛ sa!” 28 Absalom yele a tuuntuneba la yeti: “Biseri ya se’em ma’a ti Amnon nyu daam ti a puurɛ pee la, n wan yele ya yeti, ‘Ku ya Amnon!’ Bala ti ya nyaa wan ku en. Da zoti ya dabeem. La daɣɛ mam n bo ya nɔɔrɛ? Tara ya paŋa la sukpe’ene.” 29 Bala ti Absalom nɛreba la eŋɛ Amnon wuu eŋa n yele ba se’em la; ti naba dayɔɔsi bana la za’a waabi vaɛ isige ti nɛra woo bã a yeboŋa zɔ yiregɛ kule.