2 Samuel

17 Ti David nyaa yuum fabeligɔ yuunɛ wa bo Saul la a dayɔa Yonatan 18 ge yeti ba pa’alɛ Yuda tiŋa nɛreba fabeligɔ yuunɛ wa yu’urɛ n de “Tahɔ La” ti ba gulesɛ ku eŋɛ Yasar gɔŋɔ la poan la. 23 Saul la Yonatan n daa vɔi la, nɛreba daa nɔŋɛ ba yele mɛ, Ba daa ka pɔsegɛ taaba kum poan. Ba daa kuresɛ gana tugeho, Tara paŋa gana gbɛɣema. 24 O Israel poyɔɔsi wa, kele ya Saul zuo. Eŋa n daa dekɛ lɔɣemɔlɔ n di mi’a yɛ ya, Eŋa n daa dekɛ salema maalɛ lɔɣɔrɔ gulɛ ya futo poan. 25 Bisɛ paŋadaana la n lu se’em zaberɛ poan! Yonatan ki mɛ gã zɔya zuto. 26 Mam suɔ Yonatan, mam suure sa’am mɛ la ho kum wa, Mam suure daa kɛ̃ ho mɛ paa. Nɔŋerɛ sɛka ti ho daa tara bɔ’ɔra mam la gani pɔka n nɔŋɛ a sira.