2 Samuel

25 Se’em ma’a ti a daa wa’an Yeruselam ti a seke naba la, naba daa yele en yeti: “Mefiboset, beni n sɔi ti ho daa ka doose mam keŋɛ?” 26 Ti a yeti: Mam daana naba wa, mam yameŋa daa pã’asɛ mam mɛ. Mam n de ho yameŋa wa daa yeti: ‘N wan maasum boŋa bã wa’ana doose ho keŋɛ,’ se’ere n sɔi la ho yameŋa dela kɔɔreŋɔ. 27 Ge n daana, a daa parum bo ho yameŋa mɛ ge mam daana n de naba wa ani me wuu yelemɛŋɛrɛ Naayinɛ maleka la, bala zuo eŋɛ sɛla ti ho bisɛ ti la ani soŋa bɔ’ɔra hɔ. 28 Mam sɔ yidoma za’a waabi kɔ’ɔn dɛna ni la to ki mam daana naba wa nu’usin ge bala za’a ho kelum basɛ ti ho yameŋa wa pa’asɛ la sɛba n diti ho teebule zuo, bem buurɔ ti n wan tara ti n le kaasɛ yele bo naba wa?” 32 Barzilai daa dela bunkɛka paa, dɛna yuum pihinii ge me daa bɔ’ɔra naba la dia, se’em ma’a ti naba la daa ta bɔna Mahanaim tiŋa poan la, dɛna buntata. 33 Naba la yele Barzilai yeti: “Doose mam keŋɛ ge n wan bɔ’ɔra hɔ dia Yerusalem tiŋa. 34 Ge Barzilai lebese naba la yeti: Mam yeti n vɔi yue la yuuma alɛ ti ho yeti n doose ho keŋɛ Yerusalem tiŋa? 35 Mam ze zina wa, mam dela yuuma 80. N wan eŋɛ la wani baŋɛ sɛla n nari la sɛla n ka nari? Mam, ho tuuntuna wa wan le ta’an di ge nyu sɛla n za’asom? N wan le ta’an wuna pɔɣesi la buraasi yuuma? Bala, beni zuo ti la nara ti ho tuuntuna wa ta dɛna zeero bo hon n daana naba?