2 Samuel

18 Bala ti Gad daa keŋɛ David zɛ’an daandindaarɛ ta yeti: “Isige keŋɛ Yubus buraa Arauna dia tɔa zɛ’an la ta mɛ kaabegɔ bimbine bilam bo Yehowa.” 21 Arauna soke yeti: “Bem zuo ti n daana naba wa’an a yameŋa zɛ’an na?” Ti David lebese yeti: “N wa’ana ti n da la ho dia tɔa zɛ’an la dekɛ mɛ kaabegɔ zɛ’an bo Yehowa, la wan eŋɛ se’em ti too wa yese to zuo.” 22 Ge Arauna lebese David yeti, “N daana naba ta’an dekɛ zɛ’an la ge bisɛ sɛla n ani soŋa dekɛ eŋɛ. Nii n wana ti ho wan ta’an dekɛ eŋɛ nyɔ’a bo’olum la, tanduusi la yɔɣɔsi n wana ti bama dɛna dɔɔrɔ. 23 Oo Naba, mam Arauna dekɛ lɔɣetɔna wa za’a bo la naba la. Ti Arauna nyaa yele naba la yeti: “Yehowa ho Naayinɛ la wan zu’usɛ hɔ.” 24 Ge naba yele Arauna yeti: “Aai, mam wan yɔ hɔ ge to’e. Mam kan dekɛ zaŋa bonɔ kaabɛ bo Yehowa mam Naayinɛ la.” Bala ti David da dia tɔa zɛ’an la, la lɔlesi la sanlenpɛɛlega kpila pihinuu. 25 David mɛ kaabegɔ zɛ’an bilam bo Yehowa, nyaa kaabɛ nyɔ̃’a bo’olum la suma’asum bo’olum. Yehowa daa wum ba fabeligɔ la ge yese too la Israeldom la zuo.