1 Nadoma

6 Bo nɔɔrɛ ti ho nɛreba la ŋma Lebanon mɔlɔsomɔ tiisi la bo mam na. N wan basɛ ti n tuuntuneba wa’ana pa’asɛ ho tuuntuneba poan, n me wan yɔ ho tuuntuneba la hon boti n yɔ ba se’em se’ere n sɔi la, ho mi ti tomam se’em sa’am ka mi tiisi lubega wuu Sidondoma la. 13 Naba Solomon daa loe la buraasi Israel tiŋa la poan ti ba tum; a daa loe la buraasi tusa pisitã. 14 A ni tum la ba poan tusi pia ŋmarega woo ti ba keŋɛ Lebanon. Ba ni keŋɛ ta tum Lebanon la ŋmarega ge lebe ba tiŋa ta vo’ose ŋmaresi siyi; Adoniram n biseri sɛba ti ba loe ba ti ba tuna tuunɛ wa la. 15 Solomon daa tari la tuuntuneba tusa pisiyopɔi la sɛba n boi zɔya zuto ŋmata kuga tusa pisinii 16 ge me tara kpɛ’ɛndoma tusa atã la kɔbesi sitã ti ba bisa tuunɛ la ge me pa’ala tuuntuneba la. 17 Naba la daa bo la nɔɔrɛ ti ba wɛɣɛ kugekãra, kugesɛba n eŋɛ ligeri la kugesɛba ti ba keresɛ, dekɛ iibɛ pu’usegɔ deo la ɛ̃berɛ.