2 Samuel

21 Naba David saŋa la poan, kom n daa sige tiŋa la poan yuuma atã, ti David soke Yehowa kom la yele ti Yehowa yeti: “Zika’asegɔ n boi Saul la a yire la zuo, se’ere n sɔi la a kɔrum la Gibeondoma la.” 2 Bala ti naba la yi Gibeondoma la, tɔɣɛ bo ba (Gibeondoma wa daɣɛ Israeldoma ge ba dela Amoridoma la ti ba daa ku ba ti basɛba fii wa gee la. Israeldoma daa pɔ mɛ ti ba kan ku basɛba la n gee la ge Saul n daa boti a pee Israel la Yudadoma suure la zuo ti a daa ku Gibeondoma wa.) 3 David soke Gibeondoma la yeti: “Ya boti n eŋɛ la bem bo ya? Beni ti n wan dekɛ lu ya ti ya kã bo Yehowa nɛreba la?” 4 Gibeondoma la daa lebese en yeti: “La dagɛ salenpɛɛla bii salema n wan maalɛ tomam la Saul la a yiredoma wa yele bii to ku’ nɛra Israel tiŋa wa poan.” Bala ti a yele ba yeti, yamam n yele sɛla la n wan eŋɛ bo ya.” 5 Ba daa yele naba la yeti: “Buraa sɛka n boti a piisɛ tomam za’a ba’asɛ ge saalom to yu’urɛ Israel tiŋa wa poan la, 6 dekɛ a dayɔɔsi seyopɔe bo to. To wan dekɛ kum la yule Yehowa nɛŋan Gibea n de Saul se’em ti Yehowa loe la tiŋa poan. Ti naba la yeti: “Ɛɛ, n wan dekɛ ba bo ya.” 15 Leyɛ’ɛsa, zaberɛ n daa ta le sige Filistidoma la Israeldoma tiŋasuka. David la a nɛreba daa keŋɛ ta zabɛ la Filistiadoma la, kalam ti David daa ta taregɛ. 16 Refa yaaŋa ayima yu’urɛ n de Isbi Benob, ti a kanɛ ma’a tibesom dɛna nyɔɣum kpila 300 ge me tara zaba lɔɣɔpaalega, maasum ti a ku naba David. 17 Ge Zeruiah dayɔa Abisai eŋɛ kalam wa’ana faaɛ naba David basɛ ge ŋmɛ Filistia buraa wa ti a lui ki. Ti David lengimadoma la ze’ele naba David nɛŋan pɔ ti: “Ho kan le makɛ doose tomam keŋɛ zaberɛ! Ho da basɛ ti Israel nɛɛsum wa ta kiŋe!”