1 Nadoma

10 Tɔ, Siba pɔɣenaba la n daa wum Yehowa n basɛ ti Solomon nyɛ yu’urɛ se’em la, ti a wa’ana ti a maɣesɛ en bisɛ la sokese’a n kpe’em. 2 A daa doose la a gambɛpa ti ba tara yuɣema, tuulum kuga, balsam kaam la salema zo’e zo’e wa’an Yerusalem na. A daa nyaa kɛ̃ la Solomon zɛ’an ta yele en sɛla woo n boi a suuren. 3 Solomon daa nyaa lebese a sokere la za’a bo en. Yele daa ka gee kpe’em ti naba la ka nyaŋɛ tɔɣɛ pa’alɛ en. 4 Siba pɔɣenaba la n daa nyɛ yɛm sebo ti Solomon tara la, yire la ti a mɛ la, 5 dia la n ze a teebule zuo, a yamesi la n zĩ se’em, a yamesi la n tuni ba tuuma ge me yɛ ba lɔɣɔrɔ se’em, sɛba n bo’ori en daam, a nyɔ̃’a bo’olum la ti a daa tara kaabera Yehowa yire la poan la, a daa ya la nɔɔrɛ. 6 Bala ti pɔka la yele Naba la yeti: “Mam n wum ho yele se’em n mea tiŋa la, la yelese’a ti ho nyaŋɛ eŋɛ, la yɛm sebo ti ho tara la dela sira. 7 Ge mam daa ka sakɛ yelese’a ti mam wum la san daɣena mam mea n wa’ana nyɛ la n nini wa. Yelemɛŋɛrɛ, ban yele mam sɛla la puɣum ka paɛ pusuka! Ho yɛm la ho tarega la ba’ɛ zɔɛ mam wum sɛla la mɛ. 8 Ho buraasi boi la pupeelum poan, ti ho yamesi n tuni bɔ’ɔra ho daarɛ woo ho nɛŋan ge wuna ho yɛm sɔsega wa boi la pupeelum poan! 9 Pɛ̃ka paɛ Yehowa ho Naayinɛ la, se’em nini n tiɣɛ la hɔ ti a dekɛ ho zĩ’ire Israel na’am kuka la zuo la. Yehowa n tari nɔŋerɛ n ka tari ba’asegɔ bɔ’ɔra Israel la zuo, ti a loe hon ti ho dɛna naba, ti ho basɛ ti yelemɛŋɛrɛ la tontɔɔ gãkerɛ bɔna.” 10 Ti a daa nyaa dekɛ salema bɔɔresi kubega la pisiyi la balsam kaam la tuulum kuga zo’e zo’e bo naba la. Ba ka tabelɛ dekɛ balsam kaam zo’e zo’e bo Naba Solomon ti la paɛ wuu Siba pɔɣenaba n bo en se’em la. 13 Naba Solomon daa pee la puurɛ dekɛ lɔɣɔrɔ bo Siba pɔɣenaba wa, le pa’asɛ sɛla woo ti amea daa bɔta ge soke la. Bala pooren ti eŋa la a yamesi la lebe kule ba tiŋa. 14 Salema se’a ti Solomon ni tɔ’ɔsa yuunɛ woo dela salema ligekɔ̃ba bɔɔresi kɔbesi siyoobe la pisiyoobe la ayoobe,