2 Nadoma
18 Israel naba Ela dayɔa Hosea na’am bisega yuuma atã poan la, ti Yuda Naba Ahas dayɔa Hezekia daa wa’ana dɛna naba. 2 A daa dela yuuma pisiyi la anuu ge di na’am. A daa bisɛ tiŋa la yuuma pisiyi la awɛi Yerusalem tiŋa poan. A ma yu’urɛ dela Abi n de Sakaria pɔyɔa la. 3 A daa kɔ’ɔn tuna la sɛla n ani soŋa Yehowa nɛŋan wuu a sɔyaaba David n daa ani se’em la. 4 Eŋa n daa gbiri zɔya zuto kãabegɔ zɛ’ɛsi ge wɔ̃rɛ tuulum piila ge ŋma baga dɔɔrɔ la basɛ. Moses n maalɛ nyɔɣum bunsɛla sɛka la me la, a daa wɔ̃rɛ de mɛ basɛ; se’ere n sɔi la, ta paɛ sankaŋa poan la, Israel nɛreba daa kelum ita nyua kaãbegɔ bɔ’ɔra dɛ ge ni yi’iri dɛ ti, nyɔɣum bunsɛla bagerɛ. 5 A daa dekɛ amea delum la Yehowa Israel Naayinɛ la; ti Naba ka boi Yuda tiŋa poan wa’an pooren na bii tabalɛ wa’ana ana wo eŋa. 6 A yuun ana la tapilalapi la Yehowa. A daa ka malum basɛ a dɔlega; a daa kɔ’ɔn dɔla Lɔɔ la Yehowa ti daa dekɛ bo Moses la za’a mɛ. 7 Ti Yehowa daa bɔna la en. Sɛla woo ti a daa eŋɛ la, a daa dekɛ la yɛm tum tuuma. A daa zaɣesɛ Asiria naba la mɛ ge daa ka tum bo en. 8 A daa le zabɛ nyaŋɛ Filistidoma la mɛ ta tã Gaza la de tisi la za’a, ze’ele pigera zontua la ta paɛ tinkãra la za’a. 9 Naba Hesekia na’am bisega yuuma anaasi, n de Israel naba Ela dayɔa Hosea me na’am bisega yuuma ayopɔi poan, ti Asiria naba Salmaneser daa wa’ana zabɛ la Samaria tiŋa ge kaɛ ka mu. 10 Ba daa zãbɛ fã tiŋa la yuuma atã pooren; Hezekiel na’am bisega yuuma ayoobe poan la, n de Israel naba Hosea me na’am bisega yuuma awɛi poan la, ti ba daa zabɛ fã Samaria tiŋa. 11 Ti Asiria naba tari Israeldoma keŋɛ ti ba ta dɛna yamesi Asiria tiŋa. Ge basɛ ti ba kɛ’ɛra Hala la Habor n boi Gozan kolaa la nɔɔren la Medes tisi poan. 12 Sɛla n sɔi la, ba zaɣesɛ mɛ ti ba kan kelese Yehowa ba Naayinɛ la kua ge ka dɔla a nɔbiŋere la. Nɔyase’a woo ti Yehowa yameŋa Moses dekɛ bo la, ba daa ka kelese bii ba nam. 19 Ti Arabsake yele ba yeti: Soso, yele ya Hezekia yeti, ‘Nakãtɛ la, Asiria naba la n yele se’em n wana; “Hon tuɣum dekɛ homea delum la ani? 20 Ho tɔɣɛ yeti, ‘Mam maasum mɛ ge me tara paŋa n wan zabɛ’ ge ho yetɔɣum wa dela yoo. Hon dekɛ homea delum la ani ge tuɣum ita tubekakeriga giisa mam wa? 21 Bisɛ! Ho dekɛ homea delum la Egypt tiŋa n ani wuu mɔɔ n ku’ɛ zɛ’a, ti se’em woo n dekɛ amea delum ku la, ku wan sãregɛ en la? Egypt naba Faro ani la bala bɔ’ɔra se’em woo n dekɛ amea delum en. 22 Ge ho san yele mam yeti, ‘Tomam dekɛ tomea delum la Naayinɛ,’ la daɣɛ eŋa zilam zɛ’ɛsi la a kãabegɔ bimbina ti Hezekia wɔ̃rɛ basɛ la ge yele Yuda la Yerusalem yeti, ‘Ku’ure ya tiŋa kãabegɔ bimbini wa n boi Yerusalem la nɛŋan’?”’ 25 Nananawa, daɣɛ Naaayinɛ mea n bo mam nɔɔrɛ ti n wa’ana sa’am tiŋa wa? Yehowa mea n yele mam yeti, ‘Keŋɛ ta zabɛ la tiŋa wa sa’am ka.’” 31 Da kelese ya Hezekia se’ere n sɔi la, Asiria naba yeti: “Sakɛ ya bo mam ge ti to tara suma’asum. Nɛra woo wan dita amea va’am tiisi ge sɔna a kenkama tia ge nyuura amea lua ko’om, 32 ta paɛ sansɛka ti n wan wa’ana tari ya keŋɛ tiŋa n ani wuu yamea tiŋa la, tinsɛka ti boom la daam la boroboro la daam tiisi la kaam tiisi la seerum bɔna bim. Bala ti ya wan vɔna ge kan ki. Da kɛlese ya Hezekia n pã’aseri ya ge yɛta ya yeti: “Yehowa wan faaɛ tɔ.”