2 Nadoma

6 Ti a gulesɛ gɔŋɔ n pa’asɛ buyi bo ba yeti: “Ya san bɔna la mam bɔba ge yese ya suure poan ti ya nana mam, fige ya daana dayɔɔsi la zuto wa’an Yezreel tiŋa beere wana ma’a. Naba la dayɔɔsi pisiyopɔi la daa boi la nɛrezureba n biseri ba la zɛ’an tiŋa la poan. 7 Gɔŋɔ la n daa ta paɛ ba zɛ’an la, ba daa nyɔɣɛ naba dayɔɔsi pisiyopɔi wa mɛ kɔrum ba ge fige ba zuto. Nyaa dekɛ ba zuto la eŋɛ pitɔ poan tara ta bo en Yezreel tiŋa poan. 8 Ti tuuntuna la wa’ana yeti. “Ba tari naba kɔma zuto la wa’ana.” Ti a lebese yeti: “Tari ya ba yese tiŋa la nayaŋa la nɔɔrɛ biŋe ba, kuguro bayi gura beere bulika.” 9 Eŋa n yese bulika la, a ze’ele la nɛreba la za’a nɛŋan yeti: “Ya ka tari taale. Ɛɛ mam kaɛ la n daana pooren ge me ku en ge ani me n ku bana za’a wa? 10 Nyaa mina ya ti sɛla woo ti Yehowa yele ti la wan eŋɛ Ahab yire la kan basɛ yoo. Yehowa daa eŋɛ sɛla woo ti a tɔɣɛ bo a yameŋa Eliya la mɛ.” 11 Leyɛ’ɛsa, Yehu daa ku nɛresɛba woo n gee bɔna Ahab yire Yezreel tiŋa poan, la nɛrezureba la za’a la a malemadoma, ti mina mina ka gee. 12 Ti a nyaa isige keŋɛ Samaria. A keŋɛ ta paɛ la dunkeema zɛ’an la 13 Bilam ti Yehu tu’usɛ Yuda Naba Ahazia suurɔ ge soke ba yeti, “Yamam dela bani?” Ti ba lebese yeti: “Tomam dela Ahazia suurɔ, to keni me na ti to bisɛ naba la dayɔɔsi la pɔɣenaba la kɔma n ani se’em.” 14 Bilam bilam ti Yehu yeti, nyɔɣɛ ya ba voto! Ti ba nyɔɣɛ ba kɔrum ba lua la n boi dunkeema zɛ’an la; ba daa dela buraasi pisinaasi. Ba poan ayina me puɣum ka gee. 17 Ti a wa’an Samaria tiŋa na ku Ahab yire nɛreba la n gee bɔna Samaria tiŋa poan la za’a za’a wuu Yehowa n tɔɣɛ se’em bo Eliya la. 21 Bala pooren, Yehu daa dekɛ la mɔɔlegɔ ta bo Israeldoma, ti Baal pu’usegɔdoma za’a daa wa’ana laɣesɛ. Ba poan ayina me ka gee ka wa’ana. Ba za’a daa kɛ̃ Baal yire la poan mɛ, ti Baal yire la poan za’a pirɛ. 29 Bala Yehu daa ka yese amea Nebat dayɔa Yeroboam be’em la poan la eŋa n daa basɛ ti Israeldoma me tum be’em doose la salema nagebibisi baɣa n boi Betel la Dan tiŋa poan la. 31 Ge Yehu daa ka boti a ma’ɛ amea yese a suure za’a dɔla Yehowa Israel Naayinɛ Lɔɔ la. A daa ka boti a yese amea be’em sebo ti Yeroboam daa basɛ ti Israeldoma tum la poan. 32 Sankaŋa la, Yehowa daa basɛ ti ba fã Israeldoma tisi la mɛ fifi fifi ta ba’asɛ. Hazael daa pɔsɛ zabera la ba mɛ Israel tisi la woo poan,