2 Nadoma

15 Ti Elisa nyaa yele en yeti: “Dekɛ tãhɔ la pɛɛma, ti a dekɛ tahɔ la pɛɛma la. 16 Ti Elisa nyaa yele Israel naba yeti: “Ve’e tãhɔ la.” Ti a ve’e, dene pooren ti Elisa dekɛ a nu’o paɣelɛ naba la nu’o zuo. 17 Ge nyaa yele en yeti: “Yu’ɛ takole la n boi dapɔya bɔba la.” Ti a yu’ɛ. Ti Elisa yeti: “Tɛ̃ pɛɛma la!” Ti a tɛ̃. Ti a nyaa yeti: “Yehowa nyaŋerɛ pɛɛma, pɛɛma se’a ti ho wan dekɛ zabɛ nyaŋɛ Siria! Ho wan zabɛ nyaŋɛ Siriadoma Afek tiŋa poan ta ba’asɛ ba.” 18 A le yeti: “Dekɛ pɛɛma la,” ti a dekɛ, ti a yele Israel naba la yeti: “Tɛ̃ tiŋa.” Ti a tɛ̃ tiŋa sugumnɔɔrɛ butã ma’a ge basɛ. 19 Wana wa basɛ ti yelemɛŋɛrɛ Naayinɛ nɛra la sunsɔa nyie mɛ la en ti a yele en yeti: “Ho nari ni ti ho tɛ̃ tiŋa paɛ sugumnɔɔrɛ bunuu bii buyoobe. Bala wan basɛ ni ti ho nyaŋɛ ba’asɛ Siriadoma la za’a, ge nananawa ho wan nyaŋɛ Siriadoma la sugumnɔɔrɛ butã ma’a. 20 Bala pooren la, Elisa daa ki mɛ ti ba laa en. Moab tiŋa pɛɛntɛɛnreba ni makɛ keŋɛ tiŋa la poan mɛ sawalega saŋa woo yuunɛ la poan 21 Nɛreba basɛba n daa boi bim laara buraa ayima ge daa nyɛ pɛɛntɛɛnreba la n kene na la, ba daa eŋɛ la kalam dekɛ kum la lobe basɛ Elisa yɔɔ la poan ge zɔ. Kum la n daa ta lui Elisa kɔ̃ba la zuo la, a daa le vo’e mɛ isige ze’a a nama zuo. 22 Yehoahaz dabesa la za’a poan la, Aramdoma naba Hazael daa kɔ’ɔn mɛlesa Israeldoma la bala. 23 Ge Yehowa daa zɔ ba nimbɔ̃’ɔ mɛ ge to’e ba doose la eŋa n daa biŋe nɔɔrɛ la Abraham la Isaak la Yakob la zuo. A daa ka boti ti a sa’am ba, ame daa ka sa’am ba ta paɛ zina. 24 Aramdoma Naba n daa ta ki la, a dayɔa Ben-Hadad n daa soe dɛna naba. 25 Yehoahaz dayɔa Yehoas daa le malum zabɛ toe tinse’a ti Hazael dayɔa Ben-ha′dad daa toe a sɔ Yehoahaz zɛ’an zaberɛ poan la mɛ. Sugumnɔɔrɛ buta ti Yehoas daa zabɛ nyaŋɛ en ge lebe to’e Israel tisi la.