1 Yelebiŋ’a

17 Yaŋa la gu’ureba daa dela Salum la Akub la Talmon la Ahiman, ti ba suɔ Salum dɛna ba zuodaana, 18 sankaŋa la za’a a daa gu’uri la naba kuleŋa la n boi dapɔya bɔba la. Gu’ureba sɛba n daa gu’uri Levidoma zɛ’an la n bala. 19 Basɛba me dela Salum n de Kore dayɔa, Ebiasaf dayɔa, Kora dayɔa la a suurɔ n ze’ele a sɔ yire, Kohatdoma la n daa sɔi tuuma wa bisera, daa bisera tɛnti la, ti ba sɔdoma me daa sɔna Yehowa yire kɛ̃’a zɛ’an la bisera. 20 La daa dela Eleazar dayɔa Finehas n tabelɛ dɛna ba nɛŋadaana diimi sa. Yehowa daa boi mɛ la en. 26 Bamam n daa de gu’ureba nɛŋadoma banaasi n de yelemɛŋɛrɛdoma n daa biseri tuuma la. Ba daa dela Levidoma, bamam n daa sɔi bɔ’ɔrɔ la ti ba dita a poan la ligese’a n boi yelemɛŋɛrɛ Naayinɛ yire la poan la. 27 Yu’uŋɔ woo ba ni ze’ele kaɛ yelemɛŋɛrɛ Naayinɛ yire la mɛ gu’ura dɛ, se’ere n sɔi la ba nini mɔ’ɛ mɛ la gu’ura tuuma wa ge me sɔna saafi la bisera, ba ni yu’ɛ yire la mɛ bulika woo. 33 Bana n daa de yuun yuuneba la, Levidoma la sɔ yizuto la n boi bɔ’ɔrɔ la ti ba dita a poan la, bamam daa ka le tara tuuma ase’a pa’asɛ se’ere n sɔi la, bamam kɔ’ɔn tuna la bulika la yu’uŋɔ.