1 Yelebiŋ’a

3 Ti Israel keendoma la za’a wa’an naba la zɛ’an na Hebron tiŋa poan, ti David biŋe nɔɔrɛ la ba Yehowa nɛŋan Hebron poan. Ti ba nyaa loe David ti a dɛna naba sɔna Israel wuu Yehowa n doose Samuel poan tɔɣɛ se’em la. 15 Nɛrezureba pitã la poan, ba poan batã n daa sige Adulam taŋa yoko la poan paɛ David zɛ’an ge ti Filistia pɛɛntɛɛreba la daa laɣesɛ taaba bɔna Refaim Bɔ̃’ɔ la poan. 16 Sankaŋa la David daa boi la suka zɛ’an la poan ge ti Filistia pɛɛntɛɛreba daa bɔna Betlehem. 17 Ti David yele a nɛreba la yeti: “Ani n wan ãkɛ bulega ko’om la n lɛm Betlehem nayaŋa la poan wa’ana bo mam ti n nyu?” 18 Ti buraasi batã la pɛ̃regɛ kɛ̃ Filistidoma la n boi zɛ’an la ta ãkɛ ko’om la n boi bulisɛka n lɛm Betlehem nayaŋa nɔɔren la ge tari ko’om la wa’ana bo David; ge David daa zaɣesɛ mɛ ka nyu ge ka’ɛ bu basɛ bo Yehowa. 19 A yeti: “Yɛm kan bɔna bim bo mam la mam Naayinɛ nɛŋan ti n tum dena wa! Beni n sɔi ti mam wan nyu buraasi wa n pɔ̃sɛ ba nyũurɛ wa ziim? Ba pɔ̃sɛ la ba nyũurɛ n sɔi ti ba nyaŋɛ ãkɛ ko’om wa wa’ana.” Bala la, a daa zaɣesɛ mɛ ka nyu bu. A burakansaɣesi bãta la n daa eŋɛ sɛla n bala. 26 Pɛɛntɛɛreba la poan zabezabera pãsi la dela Yoab suɔ Asahel, Betlehem buraa Dodo dayɔa Elhanan, 27 Haror tiŋa nɛra Samot, Pelon tiŋa nɛra Helez, 28 Tekoa tiŋa nɛra Ikes dayɔa Ira, Anatot tiŋa nɛra Abiezer, 29 Husat tiŋa nɛra Sibekai, Aho tiŋa nɛra Ilai, 30 Netofat tiŋa nɛra Maharai, Netofat tiŋa nɛra Baana dayɔa Heled,