Luke
2 “Ti a daa tum ba ti ba yese ta mɔɔlɛ Naayinɛ Na’am la ge tibɛ nɛreba, 10 Sansɛka ti tuuntuneba la lebe la, ba daa tɔɣɛ yelese’a woo ti ba eŋɛ la mɛ bo Yezu. Bala ti a tari bamam ba ma’a keŋɛ tinsɛka ti ba yi’ira ti Betsaida la. 11 Ge nɛrekuuŋɔ la n daa ta baŋɛ la, ba daa doose en mɛ. A daa to’e ba mɛ la pupeelum ge nyaa pɔsɛ tɔɣera Naayinɛ Na’am la yɛla bɔ’ɔra ba ge daa tĩbɛ sɛba n bɛ̃’ɛri la. 38 Ge bisɛ! buraa ayima n tɔɣɛ nɛrekuuŋɔ la poan, yeti: “Pa’ala, mam beleni ho mɛ ti ho bisɛ n dayɔa wa, se’ere n sɔi la eŋa n de mam bia za’a za’a. 39 Bisɛ! kolekpabɛ’a n ni kɛ̃ a poan ti a ni kaasɛ, a ni nyɔkɛ en fɔbɛ mɛ ti a ligera ti fulumfuka ni yɛsera a nɔɔren, la ni wuŋɛ en mɛ ge ti a nyaŋɛ yese a poan se’em ma’a ti a ni pɔɣulum en ba’asɛ la. 40 Mam belum ho podɔleba la mɛ ti ba sa’ɛ en ge ba ka nyaŋɛ.” 41 Ti Yezu lebese en ti: “O dɔɣepa’asɛ wa nɛreba n ka tari sakerɛ ge tuna ŋmɛlema tuuma, la wan yue paɛ la wani ti mam wan kelum bɔna la ya ge ŋmibera yamam zuo? Tari ho dayɔa la wa’an kalam na.” 42 Ge se’em ma’a ti a daa kena pɔra en la, kolekpabɛ’a la daa fɔbɛ en la tiŋa ge basɛ ti a lige. Ge Yezu daa sa’ɛ kolekpabɛ’a la mɛ ge tibɛ budibila la ge lebe dekɛ en bo a sɔ.