2 Yelebiŋ’a

9 Ba daa wa’an la Hilkia n de malema nɛŋadaana la zɛ’an ge dekɛ ligeri la ti ba tari wa’an Naayinɛ yire la poan la bo en, ligese’a ti Levidoma la n guri yasi la to’e ze’ele Manase, Efraim la Israel za’a zɛ’an, la Yuda, Benyamin la sɛba woo n kɛ̃’ɛri Yerusalem poan. 10 Ti ba nyaa dekɛ bo sɛba ti ba loe ba ti ba bisera Yehowa yire tuuma la. Ti sɛba n tuni Yehowa yire la poan me to’e dekɛ maalɛ Yehowa yire la. 11 Ba daa dekɛ bo la burase’esi n tã maala lɔɣɔrɔ la sɛba n mɛti la, ti ba da kuga n wɛɣɛ la dɔɔrɔ ti ba wan tara tiira la dɔse’esi ti ba wan tara lasera yɛa la ti Yuda nadoma basɛ ti ba sa’am la. 14 Se’em ma’a ti ba daa yɛsera ligeri la ti ba tari wa’an Yehowa yire na la, malemadaana Hilkia daa nyɛ la Yehowa Lɔɔ gɔŋɔ la ti a dekɛ bo Moses la.