Ester

1 Ahasurus saŋa la, Ahasurus se’em n daa de naba bisa tisi kɔbega la pisiyi la siyopɔi (127) kɔ’ɔn ze’ele india ta paɛ Ethiopia la saŋa la, 2 ti Naba Ahasurus wa daa zĩ’a a na’am kuka zuo Susa nayire katɛ la poan 3 a na’am bisega yuuma atã poan la, a daa eŋɛ la dia bo a nabiisi la a yamesi. Persia la media pɛɛntɛɛnreba la nɛra zureba la, la sɔ’ɔlumdoma nabiisi la daa laɣesɛ mɛ bɔna a nɛŋan, 4 ti a daa dekɛ dabesa kɔbega dabesa pisinii (180) pa’alɛ ba a sɔ’ɔlum la poan taresum n zoni se’em, la ka soŋa la ka kãtɛ n ani se’em. 5 Dabesa ana wa n ta ba’asɛ la, ti naba wa daa de’em dabesa a yopɔi de’eŋo bo nɛreba la za’a n boi susan nayire la poan la. Kɔ’ɔn ze’ele nɛrezura ta paɛ nasa. A daa eŋɛ de’eŋo wa la nayire la gaadin zinzaka la poan.