Yob

2 “Nɛra wan ta’an soŋɛ Naayinɛ me yoi? Yɛmdaana tari tuunɛ bɔ’ɔra en mɛ? 3 Tontɔɔdaana yele pakɛ Gaŋɛ Za’adaana la me yoi? Bii a wan nyɛ la bem nyuurɔ la hon tari yelemɛŋɛrɛ bɔ’ɔra en la? 4 A wan dɔlegɛ ho tuberɛ Ge gãkɛ hɔ hon na’aseri en la zuo? 5 La daɣɛ la homea putotuuma la n zo’e Ge ti ho be’em la ka tara ba’asegɔ la zuo? 6 Se’ere n sɔi la, ho fã la ho suurɔ n tari ho sanɛ lɔɣɔrɔ Ge me yɛɛsɛ nɛreba futo ge basɛ ba bɛɛla. 7 Ho ka bo’ori se’em n taregɛ la ko’om Ge me ka bɔ’ɔra kom n tari sɛba la dia. 8 Tiŋa la dela paŋadaana denɛ Ge ti nɛrezureba kɛ̃’ɛrɛ bim. 9 Ho sa’ɛ pɔkɔpa mɛ ge ka bo ba sɛsɛla Ge kɔ keebesi nuusin basɛ.