Luke

12 Daarɛ deyima ti a zom zoore la zuo ta zusɛ, yu’uŋɔ la za’a a kɔ’ɔn zusera la Naayinɛ. 13 Ti beere ta yelegɛ la, a yi la a podɔleba la ge loe ba poan nɛreba pia la bayi ge siɣɛ ba yu’ura ti tuuntuneba: 14 Simon se’em ti a kelum siɣɛ en ti Peter, a suɔ Andrew, Yames, Yon, Filip, Bartolomu, 15 Matu, Tomas, Alpaeus dayɔa Yames la Simon se’em ba yi’ira ti “tulelegeridaana,” 16 la Yames dayɔa Yudas la Yudas Iskariot se’em n daa lebege dundɔta. 17 Ti a doose la ba siɣi na, ze’ele peelum zɛ’an ti a pudɔleba zo’e zo’e bɔna bim, ti nɛrekuuŋɔ ze’ele Yudea la Yerusalem la tyre la sidom ko’om la nɔbgɛma bɔba wa’ana ti ba kelese en ge ti a tĩbɛ ba bã’asi la. 18 Hali sɛba ti kolekpabɛ’ɛsi daana ba la daa nyɛ tibegɔ mɛ. 19 Ge nɛrekuuŋo la za’a daa eeri la ba kalum en se’ere n sɔi la paŋa n daa ze’ele a poan yɛsera tibera ba za’a. 20 Ti a gɔregɛ bisɛ a podɔleba la ge pɔsɛ tɔɣera yeti: Pupeelum boi mɛ la yamam sɛba n de nasedoma se’ere n sɔi la, Naayinɛ Na’am la dela ya denɛ. 31 “Bala la, yamam n boti nɛreba ita sɛla bɔ’ɔra ya la, yamam me ita bala mea nɔɔ bɔ’ɔra ba. 38 Kɔ’ɔn bo’ori ya ge nɛreba me wan bo ya. Ba wan makɛ soŋa soŋa di’ise, zu’use ti la yabera ka’ara ya gɛya zuo, se’ere n sɔi la ya makeri se’em bɔ’ɔra la, ba me wan makɛ bala bo ya.” 45 Nɛresoŋa tari la yelesonɛ zɛ’ɛta tuulum lɔɣesonɔ n boi a suuren la ge putɔya tari la yelebe’ero zɛ’ɛta a lɔɣebe’ero la poan yɛsera na; se’ere n sɔi la sɛla n pirɛ nɛra suuren ti a nɔɔrɛ me tɔɣera.