Pigera Zontua INTANƐT TUUMA ZƐ'AN GƆNƆ ZAALEŊA
Pigera Zontua
INTANƐT TUUMA ZƐ'AN GƆNƆ ZAALEŊA
Farefare
Ɛ
  • ã
  • ɛ
  • ɛ̃
  • ɣ
  • ŋ
  • ɔ
  • ɔ̃
  • BAABULE
  • GƆNƆ
  • ZAMESEGƆ
  • Pin’ileŋɔ 39
  • Tinpaalega Leregere Baabule Kaalegɔ Zɛ’ɛsi

Vidiyo ka boi kalam.

Gaafara, daaŋɔ fii n boi vidiyo la poan.

Pin’ileŋɔ 39:9

Yeletigesego

  • Viisegɔ Gɔŋɔ

    Tara Vom Somɔ Daarewoo!—Gɔŋɔ, zaseŋɔ 41

Pin’ileŋɔ 39:12

Yeletigesego

  • Viisegɔ Gɔŋɔ

    Tara Vom Somɔ Daarewoo!—Gɔŋɔ, zaseŋɔ 41

  • Tinpaalega Leregere Baabule Kaalegɔ Zɛ’ɛsi
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
Tinpaalega Leregere Baabule Kaalegɔ Zɛ’ɛsi
Pin’ileŋɔ 39:1-23

Pin’ileŋɔ

39 Nananawa, ba daa tari Yosef keŋɛ la Egypt tiŋa, ti Potifar se’em n de Faaro Nayire kpɛ’ɛma la ayima ge me dɛna guriba la nɛŋadaana la daa da en Ishmealdoma la zɛ’an. Bamam n tari en wa’an bilam na. 2 Ge Yehowa yuun boi la Yosef mɛ. Bala zuo la, a daa nyɛ la nɛŋa tɔlega ge nyaa sɔna a kpɛ’ɛma la n de Egypt nɛra la yire bisera. 3 Ti a kpɛ’ɛma la nyɛ ti Yehowa boi la en mɛ ge baŋɛ ti Yehowa basɛ ti sɛla woo ti a ita, ita la soŋa. 4 A daa nɔŋɛ Yosef yele mɛ ge nyaa daa basɛ ti a dɛna amea tuuntuna. Bala ti a loe en ti a bisera a yire la ge daa basɛ ti a sɔna sɛla woo ti a tara la bisa. 5 Kɔ’ɔn ze’ele sansɛka ti a loe en ti a bisera a yire la ge sɔna sɛla woo ti a tara la bisa la, Yosef zuo, Yehowa yuun kɔ’ɔn kã’ara bɔ’ɔra Egypt nɛra la yire la me, ti Yehowa kã basɛ sɛla woo n boi yire la poan la samanɛ la zuo. 6 Pooren, a dekɛ sɛla woo ti a tara eŋɛ la Yosef nu’usin ge puɣum ka le ti’isa sɛsɛla yele san daɣena dia la ti a dita la ma’a. Leyɛ’ɛsa, Yosef daa bĩ mɛ ge som. 7 Yele ana wa pooren la, a kpɛ’ɛma la pɔɣa nini daa kɔ’ɔn bɔna la Yosef poan ge nyaa yele en yeti: “Gã’arɛ la mam.” 8 Ge a daa zaɣesɛ mɛ ge yele a kpɛ’ɛma la pɔɣa yeti: “Mam kpɛ’ɛma ka mi mam n iti sɛla yire wa poan, a dekɛ sɛla woo ti a tara eŋɛ la mam nu’usin. 9 Se’em ka boi yire wa poan tara paŋa gana mam, a me ka gu sɛsɛla mam zɛ’an san daɣena hon ma’a se’ere n sɔi la, ho dela a pɔɣa. Mam wan eŋɛ la wani tum be’em kãtɛ wa gãlum Naayinɛ?” 10 Bala la dabeserɛ woo a ni tɔɣɛ bo Yosef mɛ ge a ka malum sakɛ ti a gã’arɛ la en bii a naɛ la a ma’a bɔna. 11 Ge daarɛ deyima ti a daa kɛ̃ yire la poan ti a ta tum a tuuma, yire la poan yamesi la woo daa ka boi yire la poan. 12 Ti a daa gĩ a fuo tara ge yeti: “Gã’arɛ la mam!” Ge a daa zɔ yese mɛ ge basɛ fuo la a nu’usin.

Frafra Gɔnɔ (2000-2025)
Yese
Yu'ɛ
  • Farefare
  • Tɔ̃rɛ
  • Hon boti sɛla
  • Copyright © 2025 Watch Tower Bible and Tract Society of Pennsylvania
  • Yelese'a N Nari Ti Ho Mina
  • Suɣelum Yɛla
  • Privacy Settings
  • JW.ORG
  • Yu'ɛ
Tɔ̃rɛ