Pa’ala

9 Yele aŋa woo ti mam nyɛ ge ti’isɛ n suure poan tuunse’ere woo n tuni tingɔŋɔ wa zuo, sansɛka poan ti asaala sɔna a tadaana bisera ge basɛ ti wuŋerɛ paara en. 12 La boi bim ti daanse’ere be’emdaana ta’an tum beem sugumnɔɔrɛ kɔbega ge kelum vɔi yu’e. Ge mam kelum mina ti sɛba woo n zoti yelemɛŋɛrɛ Naayinɛ la, la wan ana ba soŋa, ban zoti en la zuo. 13 Ge la kan ana soŋa bo putɔa la. A me kan ta’an dekɛ yuuma pa’asɛ a vom dabesa la n ani wuu zaanɔɔrɛ yilinyiliŋɔ la poan se’ere n sɔi la, a ka zoti Naayinɛ. 15 Ti mam nyaa loe pupeelum, se’ere n sɔi la sɛsɛla ka boi n ani soŋa bɔ’ɔra nɛra n boi tingɔŋɔ wa zuo gana a dita ge nyuura ge tara pupeelum; a nari ti a ita la wana wuu eŋa n tuni tuunkpe’eŋo a vom poan la, sɛla ti Naayinɛ dekɛ bo en tingɔŋɔ wa zuo n bala.