Isaiah

30 Yehowa yeti, “Yele boi tubekpirega kɔma zuo. Ya ni maasum la yele tum dɛ ge ti de daɣena mam puti’irɛ, Naara nɔɔrɛ, ti la daɣena mam vo’osum n boti se’em la, tara be’em malum pa’asa be’em poan. 9 Nɛrebana wa iti la kpenkpasi, ba dela kɔma n de pumpɔreŋɔdoma. Ba dela kɔma n zaɣesɛ ti ba kan kelese Yehowa lɔɔ la. 18 Ge Yehowa ma’ɛ la amea gura ti a soŋɛ ya, A wan isige zɔ ya nimbɔ̃’ɔ. Se’ere n sɔi la Yehowa dela tontɔɔ gãkerɛ Naayinɛ. Pupeelum boi mɛ la nɛresɛba n kɔ’ɔn gura en la. 19 Se’em ma’a ti nɛreba la kɛ̃’ɛra Zion n boi Yerusalem tiŋa la, ho kan makɛ kaasɛ. Ho san kaasɛ bo en ti a soŋɛ hɔ, a wan soŋɛ hɔ; a san kɔ’ɔn kelese ho ba’asɛ, a wan lebese ho. 20 La boi bim ti Yehowa wan bo ya dia ti la dɛna susa’aŋɔ ge bo ya ko’om ti la dɛna wuŋerɛ ge ya Pa’alekãtɛ Daana N Gaŋɛ Za’a la kan le suɣɛ amea. Ya wan nyɛ ya Pa’alekãtɛ Daana N Gaŋɛ Za’a la, la ya nini. 21 Ya boti ya doose la zuɔ bii ya doose la gɔbega woo, yamea tuba wan wum yelesum n tɔɣeri ya pooren yeti: “Sore la n wana. Keni ya ka poan.” 23 A wan basɛ ti saa ni basɛ ya burega zuo, ti ya samana maalɛ dia ti la gaŋɛ ya boti ni se’em la. Dabesa aŋa poan, yaama wan gã’a zɛ’an woo ti ya dusi ɔbera. 24 Nii la bosi seto n kɔɔra la wan dita disoma, dise’a n bala ti ba dekɛ soobule la areseŋa yeele la. 25 Zoore woko woo la kunkuni woko woo wan dɛna bɔɣesi la ko’om dɔlega zɛ’an dabese’ere daarɛ ti ba wan ku nɛreba zo’e zo’e la, se’em ma’a ti yiwoɣoro la wan lu la. 26 Ŋmaremune nɛɛsum la wan ana wuu yintule nɛɛsum la ti yintule nɛɛsum la wan niɛ gaŋɛ ku puɣum ni nɛɛra se’em la sugumnɔɔrɛ buyopɔi ti la ana wuu dabesa ayopɔi nɛɛsum n ta taaba. La wan ana la bala daanse’ere daarɛ ti Yehowa wan pɔ̃bɛ a nɛreba la kɔ̃ba n kɔ la ge me tibɛ nɔtɔ se’a ti amea basɛ ti la paɛ ba la.