Luke
7 Boroboro N Ka Tari Mi’isum De’eŋo pɔsega daarɛ la, se’em ma’a ti ba ni ku Azɔɔtole pebila la n daa ta paɛ la; 8 ti Yezu tum Peter la Yon yeti: “Keŋɛ ya ta maalɛ ya Azɔɔtole dia la ti to di.” 9 Ti ba soke en yeti: “Bɛsa ti ho bɔta ti to maasum Azɔɔtole dia la?” 10 Ti a yele ba yeti: “Bisɛ! Ya san ta kɛ̃ tiŋa la poan, ya wan tu’usɛ buraa n zɛɛri ko’om la yoore. Doose ya en ta kɛ̃ yisɛka ti a kɛ̃ la. 11 Ge yele ya yidaana la yeti, ‘Pa’ala la yeti: “Saama deo la ti mam la n podɔleba la wan zi’ire di Azɔɔtole dia la bɛɛ?”’ 12 Buraa la wan pa’alɛ ya deokãtɛ n boi saazuo ti ba maalɛ ba’asɛ. Maasum ya azɔɔtole dia la bilam.” 13 Ti ba keŋɛ ta nyɛ eŋa n kɔ’ɔn pa’alɛ ba se’em la ti ba nyaa maasum Azɔɔtole dia la. 14 Saŋa la n daa ta paɛ la, eŋa la a tuuntuneba la daa zi’ire kaɛ la teebule. 19 “Leyɛ’ɛsa, a dekɛ la boroboro, bo fara, gɛ’ɛsɛ bo ba ge yeti: “Dena ze’ele bo la mam inya, ti n wan dekɛ bo ya. Kɔ’ɔn ita ya wana la ya tɛra n yele.” 20 Leyɛ’ɛsa, se’em ma’a ti ba di zaanɔɔrɛ dia la ba’asɛ la, a dekɛ kɔpi la mɛ eŋɛ bala nɔɔ ge yeti: “Kɔpi wa ze’ele bo la nɔbiŋere paalega la ti mam ziim la basɛ ti la bɔna, ti n wan ka’ɛ bo ya la. 26 Ge yamam ka nari ti ya ana bala. Ge tuɣum basɛ ya ti se’em n de nɛrekãtɛ ya poan tuɣum dɛna bia ge ti se’em n boi ya nɛŋa dɛna tuuntuna.