Yon

19 Ti Pilate nyaa tari Yezu keŋɛ ta ŋmɛ. 2 Ti sogɛpa la wuɣɛ gũ’usi muŋa dekɛ vuge a zuo ge dekɛ fumɔlegɔ yɛ en 3 ge daa nyaa kena a zɛ’an na yɛta n yeti: “Tuuma tuuma, Yudadoma Naba wa!” Ba me daa loberi la a pɛɣesi. 4 Ti Pilate le yese yiŋa ta yele ba yeti: “Bisɛ ya! Mam tari en yese la yiŋa na ti ya baŋɛ ti mam ka nyɛ taalɛ a zɛ’an.” 5 Ti Yezu yese yiŋa na ge vuga gũ’usi muŋa la ge yɛ fumɔlega la. Ti Pilate yele ba yeti: “Bisɛ ya! Buraa la n wana!” 6 Ge se’em ma’a ti malema nɛŋadoma la kpɛ’ɛndoma la daa nyɛ en la, ba daa nyabegɛ mɛ basɛ sa yeti: “Kpa ya en yule dɔɔ zuo! Kpa ya en yule dɔɔ zuo!” Ti Pilate yele ba yeti: “Yamea tari n keŋɛ ta ku ge mam nɔɔ ka nyɛ taalɛ a zɛ’an.” 7 Ti Yudadoma la lebese en yeti: “Tomam tari la lɔɔ, ti lɔɔ la me n pa’alɛ se’em la, a nari ti a ki mɛ, se’ere n sɔi la a yeti eŋa dela Naayinɛ dayɔa.” 16 Ti a nyaa dekɛ en bo ba ti ba ta ku en yule namesegɔ dɔɔ la zuo. Ti ba daa nyaa soe tara Yezu. 17 Amea n daa zɛɛri namesegɔ dɔɔ la nyaa wa’an zɛsɛka ti ba yi’ira ti Zuwanɛ Zɛ’an la, ti la yu’urɛ Hebru poan dɛna Golgotha. 18 Ba daa kpa en la bilam la buraasi bayi, ti ba bɔna a kinkɛleŋa ge ti Yezu bɔna tiŋasuka. 33 Ge ba daa paɛ Yezu zɛ’an la ba daa nyɛ ti a puɣum ki mɛ bala zuo la ba daa ka kɔ a nama. 34 Ge soogɛa ba ayima daa dekɛ la kanɛ kuse a luɣerɛ ti bilam bilam ti ziim la ko’om ɔlegɛ a luɣerɛ poan yese na. 35 Se’emdaana n yɛ yele wa la n di sɛɛra wa, A yetɔɣum la me dela yelemɛŋɛrɛ ge ti a mɛ mina ti sɛla ti a tɔɣera la dela yelemɛŋɛrɛ la wan eŋɛ se’em ti ya ta’an sakɛ. 36 Yelemɛŋɛrɛ, yele ana woo daa eŋɛ mɛ ti la basɛ ti gulesegɔ la tum tuuma: “A kɔberɛ ayina me kan kɔ’ɛ.” 37 Le yɛ’ɛsa, gulesegɔ ayima me yeti: “Ba wan bisɛ se’emdaana ti ba kuse la.”