Daniel

12 “Sankaŋa la Mikael wan isige ze’ele, eŋa n de nabia kãtɛ sɛka n ze saazuo soŋera ho nɛreba. Susa’aŋɔ saŋa ye me na, ti ka taaba nan ka tabelɛ paɛ tinsɛka ta paɛ sankaŋa. Sankaŋa la ho nɛreba wan piɛ, sɛba woo yu’ura n boi gɔŋɔ la poan la. 2 Tinparɛ wa zuo, nɛreba zo’e zo’e n ki gã tontɔnɔ poan la wan isige, basɛba wan nyɛ daarewoo nyɔvore, ti basɛba nyɛ ɛregerɛ la zɛregerɛ wuusa. 3 “Ti sɛba n tari bɔkerɛ la wan niɛ nyaɣera wuu saazuo n ani se’em la ti sɛba me n basɛ ti nɛreba zo’e zo’e dɛna tontɔɔdoma la wan ana wuu ŋmarebɛa bala wuusa. 4 “Ge hon Daniel, suɣɛ yɛla wa ge taasum gɔŋɔ la gura ba’asegɔ saŋa la. Nɛreba zo’e zo’e wan ɛ ge ti yelemɛŋɛrɛ mi’ilum la me wan zo’e.” 10 Nɛreba zo’e zo’e wan pee bamesi ge ana fa’a. Putɔpa la wan tuna ba putotuuma, putodaana ka boi n wan bɔkɛ ge sɛba n tari bɔkerɛ la wan bɔkɛ. 13 “Ge la san dɛna hon, tara bala ta paɛ ba’asegɔ. Ho wan vo’ose ge ho wan le isige to’e ho tɔ̃tɛ dabesa la ba’asegɔ poan.”