Pin’ileŋɔ

3 Nananawa, bunsɛla la n wakɛ goo dusi la woo poan ti Yehowa Naayinɛ naam la. Bala ti a yele pɔka la yeti: “Naayinɛ sirum yeti ya da makɛ di tiisi la woo n boi va’am la poan?” 2 Wana ti pɔka la lebese bunsɛla la yeti: “To ta’an di tiisi la woo wɔla n boi va’am wa poan. 3 Ge Naayinɛ yeti tisɛka n boi va’am la tiŋasuka la: ‘Ya da makɛ di ka, aayi, ya da makɛ kalum ka; san daɣena bala ya wan ki.’” 4 Ti bunsɛla la yele pɔka la yeti: “Ya kan makɛ ki. 5 Se’ere n sɔi la Naayinɛ mi ti daanse’ere daarɛ ti ya wan di ka la, ya nini wan yu’ɛ, ti ya ana wuu Naayinɛ, mina som la be’em.” 6 Bala zuo la, pɔka la daa bisɛ ti tia la ani soŋa mɛ nara dia, ku me daa tari la nimpiilum a ninbɛa poan. Ti a go’e tia la wɔla pɔsɛ dita. Denɛ pooren la, a daa dekɛ basɛba me bo a sira mɛ se’em ma’a ti a daa bɔna la en la, ti eŋa me pɔsɛ dita. 15 N wan dekɛ diŋo biŋe hon la pɔka la tiŋasuka, la ho yaaŋa la pɔka la yaaŋa tiŋasuka. A wan wɔ̃regɛ ho zuo ge ti ho gesegɛ a kalenka’arɛ. 22 Ti Yehowa Naayinɛ nyaa yeti: “Bisɛ, nɛra la nyaa ani wuu tomam la, mina som la be’em. Nananawa, la wan eŋɛ se’em ti a kan tiɛ a nu’o go’e vom tia la wɔla di ge vɔna wuusa la,—”