Liligere

3 Pupeelum boi mɛ la se’em n kaalɛ pu’ulumbiŋere yɛla wa kpe’eŋo kpe’eŋo, la sɛba n keleseri ge me dɔla ban gulesɛ sɛla eŋɛ bim la, se’ere n sɔi la saŋa la ti ba loe la pɔ̃ri mɛ. 5 ge ze’ele Yezu Krista zɛ’an, “Yelemɛŋɛrɛ Sɛɛradaana la,” “ki’indoma yiadaana,” la “tingɔŋɔ wa nadoma Bisegadaana.” Se’emdaana n nɔŋɛ tɔ ge doose amea ziim poan faaɛ tɔ to be’em poan basɛ 10 Mam daa boi la Daana daarɛ la vo’osum poan ge wum kunkokãtɛ mam pooren n ani wuu tintanɛ la, 12 Ti mam ŋmɛregɛ ti n bisɛ mina n tɔɣeri bɔ’ɔra mam la, mam ŋmɛregɛ la, Mam nyɛ la salema butolela zɛ’ɛlesi bayopɔi, 13 ti mam nyɛ nɛra n ani wuu asaala dayɔa la butolela zɛ’ɛlesi la tiŋasuka, yɛ fuo n wɔɣɛ paɛ a nama ge ti salema fuo lo a nyũ’ɔ bɔba. 14 Leyɛ’ɛsa, a zuo la a zonto daa dela pɛɛlega wuu guŋo pɛɛlega la, ana wuu mɛɣelum la ti a nini me ana wuu bugum zɛleŋa la 15 ge ti a nama me ana wuu nyɔ̃ɣum n nyaɣeri bugum zɛleŋa poan la, ti a kɔ̃a damena wuu ko’om n suregeri la. 16 Ti a zãla ŋmarebibisi bayopɔi a zuɔ nu’o ge ti sɔwoko n diti nɔya ayi ze’ele a nɔɔren yese na, ti a nɛŋa nyaɣera wuu wuntɛɛŋa la.