Pin’ileŋɔ

16 Abram pɔɣa Sarai daa nan ka dɔɣɛ kɔma bo en ge a daa tari la pɔsɔɔ n ze’ele Egypt ti a yu’urɛ dɛna Hagar. 2 Ti Sarai yele Abram yeti: “Nananawa soso! Yehowa ka basɛ ti n nyaŋɛ dɔɣɛ kɔma. Soso, naɛ la n pɔsɔɔ wa gã’arɛ. Daanse’ere a ta’an dɔɣɛ kɔma bo mam mɛ. Bala la Abram daa kelese Sarai mɛ. 3 Abram n daa ta kɛ̃ Kanaan tiŋa ta paɛ yuun pia la, a pɔɣa Sarai daa dekɛ a pɔsɔɔ la n ze’ele Egypt ti a yu’urɛ dɛna Hagai la bo a sira Abram mɛ ti a dɛna a pɔɣa. 4 Bala ti a daa gã’arɛ la Hagai, ti a nyɔkɛ puurɛ. N daa ta baŋɛ ti a tari la puurɛ la, a daa pɔsɛ kɛsera a daana pɔɣa wa mɛ.