Pin’ileŋɔ

2 Bala la saazuo la, la tingɔŋɔ la, la sɛla woo n boi ba poan daa naam ba’asɛ mɛ. 9 Bala ti Yehowa Naayinɛ daa basɛ ti tiisi n ani soŋa ge nara dia yese tiŋa na, ti vom tia la me bɔna va’am la tiŋasuka la som la be’em mi’ilum tia la. 15 Yehowa Naayinɛ dekɛ buraa la basɛ la Eden va’am la poan ti a kɛ̃’ɛra bim kɔɔra ge bisa de. 16 Yehowa Naayinɛ yuun le bo buraa la nɔɔrɛ yeti: “Ho ta’an di disɛka woo n boi va’am la poan tiɣɛ. 17 Ge som la be’em mi’ilum tia la, ho da makɛ di ka, dabese’eredaarɛ ti ho wan di ka la, ho wan ki.” 18 Ti Yehowa Naayinɛ yeti: “La ka ani soŋa ti buraa la bɔna a ma’a. N yeti n maalɛ la soŋera bo en, ti a dɛna a luɣerɛ kpɛ’a.” 19 Nananawa Yehowa Naayinɛ puɣum maala mɔen dusi tingɔŋɔ wa zuo, goo duŋa woo n boi bũ’ɔ poan la dunsɛba n ɛ̃ɣeri saazuo ge nyaa pɔsɛ tara ba kena buraa la zɛ’an na ti a bisɛ eŋa n wan yi’ira ba se’em; ge ti buraa la n yi’ira dusi la woo se’em la, dene n de ba yu’urɛ. 24 Bala n sɔi ti buraa wan basɛ a sɔ la a ma ge ana tapilapi la a pɔɣa, ti bayi la lebege inganɛ yinɛ.